نشطاء يسخرون من كذبة شركة عالمية بمصر: «بطاطسنا من أحسن شجر»
سخر نشطاء مواقع التواصل الاجتماعي "فيس بوك وتويتر" على تدوينة لأشهر موقع بطاطس في مصر "فارم فريتس مصر"، الذي نشر صورة لشجرة برتقال، مؤكدًا أن البطاطس التي تستخدمها الشركة تُجمع من أفضل الأشجار، بالرغم من أن البطاطس نبات درني تخرج من الأرض وتفصل الدرنات عن التربة، واعتبر النشطاء تدوينة الشركة بأنها "كذبة أبريل".
حيث كتبت شركة فارم فريتس مصر: "عندنا في مزارع فارم فريتس بنضمنلكوا أحسن أشجار البطاطس".
وعلق مروان ميرو: "يا جدعان البطاطس مش على شجر دي هي بتبقى في الأرض علشان كدة عليها طينة".
فردت الشركة باندهاش: "يا سلااام؟".
وسخر محمد الغبيري:"تكونش بطاطساية عاملة فيه برتقالة".
وعلقت مني سعيد: "الفاكهة هي إللى على الشجر".
وكتبت تامبا: "هههههه طول عمرنا عارفين أن في بطاطس طينية ورملية جديدة البطاطس اللى بتطلع على الشجر اختراع ده ياكوتش.. كدبة أبريل".
وقال الحسين فتحي ونس: "البطاطس زى البطاطا من الجذور يعنى تحت الأرض".
وسخر أشرف أبو على: "أول مرة اشوف شجرة بطاطس".
ورد محمد ثابت: "يا جماعة كدبة أبريل، كلنا بقينا مهندسين زراعيين خلاص".
وسخر محمد عبد العزيز: "ههههههههه حطولنا شجرة مكرونة وشجرة بيض ولو تزرعوا شوية كاتشب تبقى كدة اتعشت".
وعلق أحمد: " شجر بطاطس لا وبطاطس دهب كمان..أنا عندى نخلة أسمنت ملهاش حل بتطرح أسمنت الممتاز".
ليعلق عليه أدمن صفحة الشركة ساخرًا: "بجد؟ تبيعها على كام؟".