مخرج كليب «سيب أيدي» بعد حبسه سنة: «دخلت التاريخ»
انتقد وائل الصديق، مخرج كليب سيب أيدي، الحكم بحبسه سنة وبطلة الكليب رضا الفولي، لاتهامه بالتحريض على الفجور بسبب "الكليب".
وكتب المخرج تدوينة على "فيس بوك"، قائلًا: "القانون بيطبق على الصغيرين والغلابة واللي ملهمش ضهر بس، حسبي ربي ونعم الوكيل".
وأضاف: "ده الظابط اللي ضرب محامي واعتذر بسببها رئيس الجمهورية خد 3 شهور، أنا خدت سنة سجن في أغنية على النت".
وكان مخرج الكليب قد كتب تدوينة بالأمس على فيس بوك قال فيها: "لأول مرة في مصر حد يتحاكم بسبب فيديو كليب فيه غنا ورقص ع اليوتيوب، مهما كان الحكم بكره أنا دخلت التاريخ أني أول حد يتحاكم بسبب فيديو كليب رغم أنه لم يتحدث عن الدين أو السياسة ولم يعرض في قنوات أو سينمات أو أي وسائل مصرية، ده حتى اللي بيعكوا في الدين والسياسة متحكموش،، تحية للنائب العام اللي أمر بالضبط والإحضار عشان الفيديو كليب وحول الأغنية لجريمة أنها تحض ع الفجور من وجهة نظره اللي مشفش غير سيب أيدي ومخدش باله من اللي بيحصل في التليفزيونات والسينمات من عشر سنين ومن الست الأوكرانية اللي صورت 8 أفلام إباحية على أرض الوطن منهم واحد عند سفح الأهرامات".
يذكر أن محكمة جنح العجوزة، قضت اليوم الأحد، برئاسة المستشار محمد فتحي، بالحبس سنة مع الشغل لبطلة كليب "سيب أيدي"، ووائل صديق ومتهم آخر، لاتهامها بالتحريض على الفسق، في القضية التي تحمل رقم ١٠٣٠٦ لسنة ٢٠١٥ جنح العجوزة.
