رئيس التحرير
عصام كامل
Advertisements
Advertisements
Advertisements

هاشتاج «فوسفات في النيل» يشعل تويتر.. أحمد: «لا تشرب الماء لأن فيه فوسفات قاتل».. علا: «هنموت مفسفتين».. أحمد: «الشعب عايش بمعجزة».. عادل: «مطلوب تحركات سر


حالة من الخوف والهلع الممزوج بالسخرية انتابت نشطاء تويتر، بعد غرق سفينة محملة بالفوسفات في النيل بمحافظة قنا، ودشنوا هاشتاج "فوسفات في النيل"، الذي أصبح الأكثر تداولًا على الموقع بعد ساعة من إطلاقه، وبالحس الساخر المعهود لدى المصريين علق النشطاء قائلين إن "الفوسفات في النيل عشان الشعب ينور.. في الصيف الكهربا بتقطع"، فيما تخوف آخرون من أن الفوسفات، مؤكدين أنه يسبب مخاطر بيئية على المياه والأسماك.


لا تشرب الماء

قال وسام عبد الوارث "هل أعلنت الحكومة شيئا عن غرق ناقلة الفوسفات في النيل قرب محافظة قنا ومدى خطورة الأمر وكيفية التعامل معه على مستوى الفرد ومستوى المجتمع؟"، وأضاف أحمد طارق: "من حكمدار العاصمة إلى أحمد إبراهيم القاطن في دير النحاس لا تشرب الماء الماء فيه فوسفات قاتل ".

وعلقت دينا قائلة: "ماتشربش من نيلها ".

الشعب ينور
وذكر عمر سليم: "بصوا للجانب المشرق..لما تشرب فوسفات اكتر..ممكن الدولة تصدرك بره اشرب فوسفات اكتر...فرصتك في السفر تكبر فوسفات في النيل"، وعبر الزهراوي: "فوسفات في النيل عشان الشعب ينور في الصيف الكهربا هتقطع بقي الحكومة الذكية".

وكتبت أشجان محمد: "فوسفات في النيل ومن امتي كانت مياه النيل نضيفه يعني ؟!! إيه وجه الاستغراب في الموضوع.. اهو بدل ما نموت منفجرين نموت مسمومين.. هنموت كلنا"، ورد سيد مصطفى ساخرًا:"الفوسفات ده معدن يعني لما يقع في النيل هنشرب ميه معدنية انتو بتقولوا ايه بس ياجماعة ".

وكتب عمر الهواري: "والله مش ناقص حاجة تاني ما إتعملتش... المفروض بقى يجيبوا من الآخر يكهربونا ويبدأوا نفخ وتنفيض وسلخ.. ".

الشعب عايش بمعجزة
ورد أحمد جلال قائلًا: "معلش يعني، هو من امتى كنا بنشرب ميه نضيفه من النيل؟ الشعب ده عايش بمعجزة.. "، وأضاف "طارق صابر" الموضوع بجد.. لو حضرتك بجد عندك نية حقيقية ميجيلكش كل الأمراض اللي لسه ما اكتشفوش ليها علاج ياريت متشربش من الحنفية ".

وعلق أيضًا ياسر سالم: "الشعب كله هيعمل دماغ فوسفات "، وذكرت علا عثمان: "هنموت مفسفتين ".
وجاء تعليق محمد السيد كالتالى: "هنموت موتفسفتيين يا اماا.. انا كتبت الكلمة دى ازاى"، وأضاف محمود سعيد: "لما نشرب ميه بالفوسفات سيتحول لفوسفور ونصبح كائنات فوسفورية تشع الضوء حتى في الظلام وبالتالى نحل أزمة الكهربا ".

مطلوب تحركات سريعة
وكتب عادل أسعد: "الموضوع مش هزار ونكت دي مصيبة لأجيال كامل وتشوهات أجنة مستقبلية وتسمم من السمك والميه.. يستخلص من طن الفوسفات ٢٠٠ جرام يورانيوم وهو مادة سامة ومشكلته في الشرب وفي السمك إلى حيتشرب الفوسفات يعني مصيبتين".

وأضاف أحمد محمد: "حياة شعب وأجيال مافيـش حتى مؤتمر ينبهو الناس من الخطر... ده أو تحركات سريعة لاحتواء المنطقة الملوثة"، كما قال مصطفى أحمد ضاحكًا:" فوسفات في النيل فوس فات في النيل على كده فوس ده بيعرف يعوم بقى".

وتابعت جهاد فايد: "فوسفات في النيل مش هتموتوا والله يا جماعة.. ما طول عمرنا بنشرب المياه دى وعارفين أنها ممكن تكون صرف صحى أو غيره ومش بيحصلنا حاجة، عندنا مناعة".
Advertisements
الجريدة الرسمية