رئيس التحرير
عصام كامل
Advertisements
Advertisements
Advertisements

لوسي تكشف حجم خسائرها في حريق الملهى الليلي بالهرم وحقيقة سرقة مجوهراتها (فيديو)

الفنانة لوسي، فيتو
الفنانة لوسي، فيتو

كشفت الراقصة والفنانة لوسي، حقيقة ما أثير وتردد عن حريق الملهي الليلي الذي تمتلكه في شارع الهرم، وسرقة مجوهراتها وممتلكاتها.
 

خسائر الملهي الليلي للفنانة لوسي

وقالت لوسي خلال الجزء الثاني من لقائها ببرنامج "العرافة" المذاع علي قناة "النهار":"أنا معنديش ملهى ليلي في شارع الهرم، ده بتاع جوزي واتحرق واتسرق في أيام ثورة يناير، ومجوهراتي في البنك وبعضها في ايديا مش في الملهي، ولكن هدومي كلها والباروكات وبدل الرقص خسرتها".
 

وأضافت لوسي:"اللى كنت بشتغل به في الرقص أو في الملهي جزء كبير منه تقريبا بصرفه علي اللبس بتاع المسرح".

 

حقيقة هجوم لوسي علي عايدة رياض

وعن التصريحات المنسوبة لها بشأن عايدة رياض بـ"فنانة راحت عليها"، علقت لوسي:"ما نشر بشأن ذلك فبركة دي أستاذة وبحترمها ومقدرش أقول عليها حاجة".
 

 

في نفس اللقاء، كشفت الفنانة لوسي، كواليس مثيرة ومرعبة من تصوير مسلسل المداح أسطورة العشق، وتعرضها للأذى من شخصية هند بنت الأحمر ملكة الجن، قائلة:"روحنا نصور في الفيوم عملت ميك اَب وكل حاجة وقلت هلبس لبس الجنية في فيلا صابر علشان المسافة من الفيلا للفندق بعيدة ومبقاش لابسة اللبس ده والدنيا حر جدا قبل ما اخش علي اللوكيشن في الفيلا بـ4 دقايق لقيت المخرج المنفذ هشام فتحي بيقولي انت فين ارجعي للأوتيل فيه عاصفة فظيعة والشجر بيخبط في بعضه، فقلت له مفيش حاجة على الطريق اللي جاي فيه، فقلت له أنا داخلة على الفيلا".
 

مشهد غريب من تصوير مسلسل المداح
 

وتابعت:"وانا داخلة مكان التصوير وفيه شجر ومفيش عاصفة ولا حاجة دخلت رسيبشن الفيلا في الفيوم لقيت الرموش الطويلة اللى مركباها بتتهز جامد من الهواء، وهما مقفلين فتحت لقيت الهواء بينطرني، فقلت بركاتك يا ست هند الأحمر ملكة الجن وقلت لهم سلام عليكوا ومصورتش".

 

شخصية لوسي في المداح
 

وأضافت  لوسي:"الشخصية اللى انا بلعبها في مسلسل المداح عاملة شغل معايا، الجنية هند بنت الأحمر ملكة الجن عاملة شغل معايا، وانا قرأت حاجات وعملت حاجات علشان اعمل الشخصية".
 

اذى ملكة الجن هند بنت الأحمر
 

وأكدت:"هند بنت الأحمر موجودة تحت الأرض وبتلازمني لحد دلوقتي، وكل شوية بتطيرني، علشان كده لازم اقرأ قراَن، وكنت أقول المشهد من هنا واقرأ قراَن من هنا، باحلف بالله اني اتأذيت من هند بنت الأحمر ملكة الجن".
 

الجنية الشريرة
 

وأكملت:"فيه جن طيب او جنية طيبة ومؤمنة ومسالمة وفيه جنية شريرة، وعلشان انا اعمل دور المداح كان لازم اعرف شكلهم وفيه كتب قرأتها وفيه حاجات وطقوس ليهم بس هما بيروحوا فين؟ الجن الطيب بيساعد الناس الطيبة والخيرة بأمر الله، وذاكرت الجنية هند بنت الأحمر وعرفت ان الشريرات منهم ضعفاء جدا بيروحوا للشخصية اللى نفسها وحشة وشريرة ويبتدي يشتغل عليها".
 


تعرض لوسي لأذي من الجن
 

وأشارت:"بعد لما عملت شخصية هند بنت الأحمر ملكة الجن حصلي حاجات غريبة واحس ان حد بيلمسني بس علاشن بقرأ قراَن كتير وأوضتي مفتوحة علي اذاعة القراَن الكريم 24 ساعة وبصلي فالحاجات دي كلها بتخليهم محلك سر بس بيلاعبوني شوية ويبعتولي حد يخضني والخضة ده حلو بيخفف علشان كده الأمريكان بيعملوا افلام رعب علشان الناس تخف".
 ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.

Advertisements
الجريدة الرسمية