رئيس "ناشئي الزمالك" يصدم الغندور بسبب ابنه: ميستحقش يكون موجودا بالنادي ومش عايزينه
قال بدر حامد، رئيس قطاع الناشئين بنادي الزمالك: "ابن خالد الغندور لا يرتقي أنه يلعب في النادي علشان كده مشيته لكن ابن أسامة نبيه لاعبي كبير أوي ومستقبله سيكون باهرًا".
سياسة قطاع الناشئين بنادي الزمالك
وأضاف خلال لقائه ببرنامج "ملعب البلدوزر" الذي يقدِّمه مجدي عبد الغني بقناة "الشمس": "إحنا مش بنجامل أبناء اللاعبين والنجوم السابقين وعلشان كده مشينا ابن خالد الغندور علشان هو ميستحقش يكون موجودًا في نادي الزمالك ومش عايزينه، وياخد فرصة واحد تاني موهوب من الفلاحين ممكن يفيد النادي".
فرصة ابن خالد الغندور
وتابع: "صبرنا سنين كتيرة عليى ابن خالد الغندور ولكن هو مينفعش يكون موجودًا في النادي وعلشان كده مشيته، وفيه أبناء نجوم تانية مشيتهم".
وقام الجهاز الفني للفريق الأول لكرة القدم بنادي الزمالك بقيادة البرتغالي جوسفالدو فيريرا، بتصعيد عدد من اللاعبين الناشئين للمشاركة في التدريبات الجماعية للأبيض الفترة الماضية.
وشهدت التدريبات مشاركة الرباعي محمد الخضري مواليد ٢٠٠١ ويلعب بمركز وسط ملعب، وكريم عبد الحق مواليد ٢٠٠١ ويلعب بمركز الجناح، ومحمد كمال أوماجا مواليد ٢٠٠٣ ويلعب بمركز المدافع، وأدهم الخواجة مواليد ٢٠٠١ ويلعب في مركز المهاجم.
