شريف إكرامى محذرا الشناوي: اتحسدت كتير واتعملت لي أعمال.. خللى بالك من نفسك

حذر شريف إكرامي حارس مرمى نادي بيراميدز، محمد الشناوي حارس مرمى النادي الأهلي من الحسد وتأثيره على أدائه.

التحصين ضد السحر
وتابع خلال لقائه ببرنامج "العرافة" المذاع علي قناة "المحور": "محمد الشناوي الحارس الوحيد اللى يتحسد على مستواه، ولازم يحصن نفسه".

الحسد والسحر
وأكد: "اتحسدت في 2006 و2007 والحسد عندي كتير مش بالتكهنات ولكن بشوفه بعينيا.. وأنا أؤمن بالحسد لأني اتأذيت منه كتير، ولكن  حصنت نفسي والحمد لله".

أعمال
وأضاف: "اتعملت لي أعمال واتحسدت من منافسين ليا، واتصبت إصابة طويلة سنة والثانية ومريت بفترة عدم توفيق غير عادية ولكن اتعلمت إزاي احصن نفسي".

بطولة إفريقيا 2017
وأشار: "عدم لعب بطولة افريقيا 2017 كان ابتلاء وقلت الحمد لله ومش عايز أتكلم اكتر من كده".

مارتن يول
وعن وضع الحارس رقم 4 خلال فترة تدريب مارتن يول للنادي الأهلي، علق إكرامي: "قاللى هابعدك عن المباريات بسبب الضغوط اللي عليك، ماكنش بيكرهني ولكن مكنش فيه معايا كيميا ومكنتش مستغرب من رحيله بعد 3 شهور لأمور ترجع لشخصيته اللى مش بتناسب الأهلي".

في سياق آخر نجح فريق بيراميدز في تحقيق فوز هام علي الاتحاد السكندري بثنائية نظيفة في لقاء الفريقين الذي أقيم ضمن مؤجلات الجولة ١٨ من الدوري الممتاز على استاد الإسكندرية.

هدفا المباراة
أحرز هدفي بيراميدز محمد حمدي في الدقيقة ٤٤ من الشوط الأول وأضاف إيريك تراوري الهدف الثاني في الدقيقة 60 من المباراة.