بالفيديو.. "المغير" يهدد خيري رمضان بالقتل.. والإعلامي: "مش هلبس نقاب زيك"
أكد الإعلامي خيري رمضان، أن الإرهابي أحمد المغير، هو الوجه الحقيقي لجماعة الإخوان، ووصفه بـ"الطفل السمين المدلل لجماعة الإخوان"، لافتًا إلى أن تلك "الكلبوظة" كان الفتى المدلل لخيرت الشاطر.
وأفاد رمضان، خلال تقديمه برنامج "ممكن"، المذاع على فضائية "سي بي سي"، أن المغير أرسل له رسالة على "فيس بوك"، نصها: "خيري رمضان مهزوز ومتلخبط وقرب ينهار وبيعملها على نفسه.. مالك يا خيري إنت كنت فاكر الموضوع كله هيفضل مع الإخوان السلميين بتوع اللى يضربك على خدك الأيمن إديله خدك الأيسر ولا إيه؟ لاء يا روح خالتك انسى اللعب بتاع زمان خالص، إنت وباقي زمايلك المجرمين ليكم ترتيبات خاصة جدًا إن شاء الله بس ادعي إنت وقول يا رب، إنتوا دوركم صحيح مجاش لسه لكن مش معناها إنه مش جاى واللى يقدر يفجر موكب وزير الداخلية السفاح يقدر يعمل فيك أي حاجة يا عبد العسكر، اتقل إنت بس واستمتع بآخر أيامك في الحياة إن شاء الله وإنت في رعب وخوف وقلق وتعاسة".
ورد خيري رمضان على رسالة المغير، مؤكدا أنه تعرض لمحاولات اغتيال عديدة، وأنه في حال اغتياله سيكمل زملاؤه الإعلاميين الشرفاء الحرب ضد الإرهاب والإخوان، مضيفا: "أنا كنت بحارب مرسي وأنا هنا في مصر.. ومهربتش زيك يا جبان يا مكلبظ واستخبيت في الشوارع والحواري، ولبست نقاب عشان محدش يعرفك".
