ساخرون.. الحكومة: مهلة لمصانع الأسمنت حتى 2050 لتوفيق أوضاعها!
الناس كانت متكادة زي المطلقة في صباحيتها لما كان الببلاوي رئيس الحكومة.. وقعدوا يدعوا ربنا ليل ونهار إنه يستقيل لأنه بطيييييء جداااااا.. وانبسطوا قوي لما محلب بقى رئيس وزارة.. قالوا الحال المايل هيتعدل.. لكن أبدا.. شاممكن.. "نستحيل" على رأي الواد زيطة الألدغ في الميم.. البطء هو هو.. وكأنك يابو محلب ماغزيت.. بأمارة إن الحكومة قعدت تتحايل على أصحاب مصانع الأسمنت إنهم يوفقوا أوضاع مصانعهم.. لكن الناس دول نفضوا للحكومة.. فالحكومة يا خال قالوا لهم هنقطع عنكم الغاز.. قالوا وماله؟.. هنجيب فحم.. لما الحكومة الطرية اللي كلها حنية غلبت معاهم إدتهم فرصة إلى 2050 لتوفيق أوضاعهم..
