"نائب العمدة قلع جلابيته الميري" قصيدة لنجلاء سمير
نائب العمدة قلع جلابيته الميري
بعد ما لبسنا عمم طراطيري
وهيعمل فيها أميري
وهينزل تخفيضه على حميري
وارضيا وهياخد خيري
ماهو أصلا كان وخدها غيري
ووعدنا بتقشف من تاني
اللي أصلا بقسمه أنا وحميري
من تلاتين سنه طالع عيني
وجالنا الحكم التكفيري
عشان يطلع ديني
واهو شاله نائب العمدة
الله يخليه والله ده كبر في عنيا
والنائب ده طلع ميه ميه
بس الظاهر إن الحلو خسره فيا
جه نائب العمدة يطبلها عليا
طب ليه هيلبس جلابية مدنية
وقرايبه ماسكينله صاجات
وبيطبلولو على الطبليه
بعد ماقسمنا خانات
خانه اسمها المطابلتيه
والخانة التانيه الثوريه
ودي سموها إرهابية
علشان وقفت ضده شويه
ودي اللي سموها الحرية
ودي اللي نادينا عليها في ميت مئويه
ومات مكانها شباب ورديه
من احسن ورود القريه
وطلعلنا يقول نائب العمده
ايه يعني لما نضحي بشوية
عشان تعيش المئويه
وفي خطاب كله حنيه
بيقولنا انتم نور عنيا
وانت قاتل مينا وفوزيه
وحسين واختي فتحيه
يانائب العمده ارحمنا بقا شوية
فقشنا كل عمايلك الانقلابيه
عشان ينوبك من العمديه شوية
وعشان مذيع القرية حيبنا اللي اسمه
بسومه مش ساكت وهيعاملها عزومه
على خطابه اللي عامله قدام بابه
في الجنينه الورانيه مع صحابه
وهيتلكك لنائب العمده سمسمومه
اللي مش طايق بسومه
ده اللي خرجنا بيه باعجوبه
من الثوره المنكوبه
ده بيتكلم ولا يهموش
ولا بيحبش التطبيل
ولا يعرفش في السياسه ابوه
ممكن يلعن حتى اللي جبوه
المهم أنه على حق
ومش بنور عنيينا يسكتووو
سموه عميل لقريه نوحينا
وارجوز وبيحط علينا
واللي بيتفرج عليه إرهابي ومن اعدينا
وعشان حقيقتهم بانت خلاص قلبو علينا
وهنرجع تاني لي ياطيطا حاورينا
وبدل ماعملنا ثورة للتغير
لا ده عملنها عشان يجي للي يربينا
