بلدنا في الإنعاش.. شعر لـ «إسلام راضي»

طل علينا الشاعر الشاب إسلام راضي بقصيدة عامية جديدة، تناول فيها ما يدور بالساحة الفنية، من انتشار النصوص والأفلام التي تحتوي على بعض الألفاظ التي تعطي إيماءات سلبية للأجيال وقال فيها:

آه يا بلدنا كل حاجه فيكي راحت الإنعاش.. حتى السينما بقت شغل منحلين وأوباش
قولنا نفكر في أحوالنا ديا قمنا مفكرنـاش.. أحوالنا بُص شوف وضمير على المعاش
يا سبكي انت وغيرك يـــاريت بلاش.. تفسدوا النشء وياخوفي حتى اللي لسه مجاش
يقولوا فن عن الواقع بيرة وسجارة هاش.. بلطجي ومُغني سوقي وواحدة جسمها رعاش
هوه ده الفن يا ناس كفاية بقي متهروناش.. دلوقتي حلاوة روح ولسه بكرة ماشوفناش
آه يا عجب ياحلاوة دي حياتنا بفنكم ما تحلاش
مش لازم ارمي كل الحمل عليكم لأن ده فعلا الحال لكن ميمنعشي ألوم وأتعجب من فنانا ياخال
أيه غير حضارتنا وتاريخنا وأيه غير الأحوال!؟ اه يابلد حتى في فنك من همي بقيت أقول موال
آه يا بلد وآه من إسفافهم بقي عمًال على بطًال.. ربنا يرحمنا ويرحم فننا ويا خوفي على العيال
من السبكي وغيره ومن بلد مليانة بالاهوال
تعظيم سلام لبلدنا ياإبني ورقصني يا طبال