حسام درويش يكتب: "حلم قايل للسقوط"
كتب الشاعر الشاب حسام درويش قصيدة تحمل عنوان "حلم قايل للسقوط" ويقول فيها:
صرخة جوا مني بايتة
صرخة خاضعة للسكوت
جوا مني نار وقايدة
حِلم قابل للسقوط
حِلمي أشوفك قاتلة خوفك
حِلمي تِتحدى ظروفك
حِلمي اتغطي بصوفِك
يا بلدى خايف إنى أموت
شِدي عزمِك إعلي أكتر
إمحي خوف عمال بيكتر
خلي فيكي الحِلم يقدر
إنه يتخطى الحدود
آه يا بلدي انا نِفسى أبْنى
كل شِبر كَسَروه
اه يا بلدى بحِب إبْنِى
وخايف إنه يعذبوه
وإبنى دا مش شرط يعنى..
يبقى من ضهرى وصُلبى
إبنى جايز يبقى اخويا..
يبقى صاحبى..!
يبقى كل ولاد حارتنا
إبنى جايز يبقى عمى..!
إبنى برضوا يا مصر إلى
هتف فـِ عِز ما كنتى واقعه
وقال يا تِبقِىّ يا إما اموت
هوا برضوا يا مصر إلى
بيغير عليكى بجد موت !
هوا برضوا يامصر إلى
غلب فـِ صمتِك السكوت !
خلى بالك يا بهيه
وطبطبى علينا بحنانك
محتاجين يبقلنا ديّه
رجعى فيكى زمانِك
نِفسى ابطالِك تعوُد
