«رد وإحنا وراك يا عدلي».. «هاشتاج» يدعم الرئيس ضد أمير قطر.. أيمن: «قول له يتشطر على الكشك بتاعه».. يحيى: «ملوش غير الجزمة».. المنوفي: «ارزعه قلمين على وشه
دشن عدد من نشطاء مواقع التواصل الاجتماعي هاشتاج تحت اسم "رد واحنا وراك يا عدلي" لدعم وتأييد الرئيس المستشار عدلي منصور، مطالبين إياه بضرورة الوقوف أمام محاولات الأمير تميم بن حمد، ورد اعتبار مصر أمام الدول العربية خاصة دولة قطر التي وصفوها بأنها تتدخل في الشأن الداخلى وترعى الإرهاب لزعزعة الاستقرار في الداخل.
قال أيمن: " قول له يتشطر على الأوضة وصالة اللى بيحكمها"، بينما قال يحيي: "رد الكرامة مش محتاج تفويض وقولها جملة واضحة وصريحة "اللى هيتدخل ف شئون مصر تانى ملهوش عند شعبها غير الجزمة"".
فيما سخر باسم أمين قائلا: "عاوزين عدلي يقول خطاب من نوع "اديك لحد ما تقول اكتفيت" بس بطريقة شيك"، بينما قال إيهاب: "عايزينك تطلع المصرى اللى جواك"، بينما كتب حازم: " هنسلط على تميم مرتضى منصور يبهدله في المحاكم".
وقالت ريهام: " شد ودن تميم وقول له مش كل حاجة ماما تقولها تبقى صح لازم تفكر قبل ما تتكلم يا أمووور"، بينما علق عادل بهجت قائلا: "اعمل الصح يا ريس".
وعلقت ياسمين قائلة: " علم على قطر يا ريس بأسلوبك الراقي المحترم وعرفهم إنك رئيس راقي محترم لشعب محترم مش زي مرسي رئيس شلق لجماعة إرهابية"، بينما علقت ريهام حسن: " اشفي غليلنا من ابن موزة وعرفه حجمه ولو مكسوف ابعتله مرتضى منصور".
وبدوره علق حسين قائلا: "ابن موزة راعي الخونة والمرتزقة علم عليه يا ريس"، بينما قال محمد: " يا ريت يا ريس تنهي الصداع بتاع فتح المعبر بأن ده شأن مصري واللي مش عاجبه يشد في حواجبه".
وقال فايد الحسيني: " النهاردة فرصتنا يا ريس القمة الجاية هتبقي في مصر والسيسي رئيس وابن موزة هيخاف ييجي. لازم تحط عليه النهاردة".
