بالفيديو.. مها تصرخ: "جوزي عايزني أبيع كليتي وابني علشان يشتري عربية.. كان بيعاشرني في المطبخ.. أهل جوزي تجار أعضاء بشرية..جابلي 10 آلاف جنيه في ابني.. وجوزي الأول طلقني بسبب مشي أختي البطال

المرأة المكلومة تتابع: "هو اتجوزني بس علشان يأخذ كليتي ويبعها زي ما باع كلية زوج أختي، هو وأمه، أصل والدته تدير شبكة لبيع الأعضاء بالدرب الأحمر، وهو نفسه اعترف لي بذلك، وأنا شفتها بعيني تتفق مع أشخاص وتطلب منهم تحاليل المريض وفصيلة الكلية المطلوبة".

مها تحاول أن تجمع شتات نفسها وتكمل حكايتها: "أهل جوزي استمروا في مساومتي حتى بعد أن تركت المنزل، وطلبوا من عمي أنه يقنعني بالموافقة على بيع ابني وكليتي مقابل 10 آلاف جنيه، وللأسف الفلوس زغللت عينهم وضربوني وحبسوني لكني أصريت على موقفي، أهل زوجي دلوقتي خايفين إني أفضحهم".

الزوجة العشرينية تقول: "أنا تجوزت أول مرة، وأنا عندي 13 سنة؛ لأن والدي كان مريضا وكان عايز يطمن عليا قبل ما يموت فجوزني لقهوجي، كان طيب وحنين وأنا حبيته وقعدت معاه نحو ست سنين، حياتنا كانت مستقرة، لحد لما في يوم جوزي سمع من أصحابه إن أختي على علاقة غير شرعية بأشخاص آخرين غير زوجها، فطلقني وقالي إنتي خلاص متلزمنيش، كنت حامل في شهري الثاني، ورحت بيت أهلي، ولما ولدت رفض أن يعترف بالولد، وشكك في نسبه وكل ده بسبب سمعة أختي اللي لحد دلوقتي بطاردني وبتوقف لي أي زواج، بعدها اتعرفت على هذا الشخص عن طريق أختى وزوجها وتزوجنا ". 

مها أنهت حكايتها: "أنا كل اللي أتمناه أني أخلص من هذا الشخص وأن أربي ابني".