ساخرون.. السيسي يختار إشارة رابعة رمزا انتخابيا له!
عرضت وكالة أنباء هريدي نيوز على المحلل النفسي بتاعها فكرة اقترحها عبقري من عباقرة الوكالة قال إيه السيسي لو اترشح في انتخابات الرئاسة يكون رمزه الانتخابي إشارة رابعة علشان يضرب عصفورين بحجر، العصفور الأولاني يكره الإخوان الإشارة دي والعصفور التاني المضحوك عليهم من الغلابة اللي مش بيعرفوا القراءة ولا الكتابة يتخموا في الإشارة ويروحوا ينتخبوا السيسي.
يقول المحرر: إن محللنا النفسي قال: إن الإخوان هايطلعوا في الحالة دي بيان ويقولوا إن الأربعة صوابع اللي في رمز السيسي تشير إلى انتمائه للماسونية العالمية، وفلول مبارك والنظام البائد يعتزمون هدم البلد في أربعة أيام.
أما أنصار السيسي فسيؤكدون أن الصوابع الأربعة ومعها الصباع الخامس اللي ضامم على الإيد تعني " كبة " في عين اللي شافك ولا كبرشي.أما الحقيقة فإن الصوابع الأربعة لا يمكن ذكر معناها في معرض كلامنا لان دا مش مكانه.
