ساخرون: مرسي هيترشح للرئاسة!!!
يخرج علينا حاتم بجاتو المستشار بتاع لجنة انتخابات الرئاسة، بتاع مرسي، علشان يثير حالة من الجدل واللخبطة في الشارع السياسي، أو حتى في شارع فيصل المهم أنه ينكد علينا.
بجاتو بسلامته طلع في ندوة عملها مفيد فوزي في فندق هيلتون إسكندرية وصرخ من جمجمة رأسه، وقال: مرسي المعزول، بتاع التجسس، وصديق الفلول، يحق له الترشح، بس هو يعلن ويقول، ما هو لسه متهم، والمتهم بريء من كل التهم، لحد ما يحكم قاضي ويقول إن اللي في القفص خلاص صار مسجونا.
يقول محرر هريدي نيوز: إن اللي زاد الطين بله الدكتور محمود كبيش، عميد كلية الحقوق بجامعة القاهرة لما قال: إنه يحق لكل متهم ممارسة جميع حقوقه السياسية من داخل محبسه، طالما لم تصدر ضده أحكام نهائية، وكل المحبوسين "أبرياء" حتى تثبت إدانتهم.
ويضيف محررنا أن مصدره الفشار أشار إلى أن اللجنة العليا للانتخابات الرئاسية أول ما سمعت كده قالوا: لبعض في قعدة سرية، لو المجنون ابن سنية، فكر يبعت حد من الجماعه يتقدم بأوراقه، مش هنرمي الورق على طول في وش رفاقه، هانعمل لجنه وندرس لو ليه أحقيه، رد واحد منهم وقال سيبك من أنه متهم في قضية دا جاسوس وعضو في جماعة إرهابية، دا برة وكفياه سنة ابن سنية.
وأكد محررنا بحسب مصدره الفشار: أن الفكرة لاقت رواجا لدى تتح وأرسلها على جناح يمامه إلى التنظيم الدولي لجماعة الإخوان الإرهابية اللي لسه هيقعدوا الأسبوع اللي جاي في لندن، لدراسة الفكرة.
