الأربع أصابع تعني إعلان الحرب على مصر

علمت وكالة هريدي نيوز أن الإشارة بالأربع أصابع اللي استخدمها الإخوان وضحكوا على الناس وقالوا لهم إن دي معناها رابعة طلعت إشارة خطيرة جدا خصوصا إن وراها اللون الأصفر.
يقول محرر الوكالة إن اللون الأصفر ده يعرفه كل الباحثين في الماسونية العالمية لأن ده هو اللون المميز لكل من ينتمي للماسونية في العالم والأربع صوابع دول هم رمز المبنى الجديد بتاع الناتو اللي اتكلف مليار و400 مليون يورو، والكلمه اللي مكتوبة بالإنجليزي تحت r4bia دي الحروف الأولي من الجملة الإنجليزية Ready for Brotherhood Independent Army ودي ترجمتها "مستعد للالتحاق بالجيش الحر".
وأكد المحرر طبقا لمصدره الفشار، إن العلامة دي هي كانت السبب الرئيسي في تصريح أم ايمن اللي فيه على تويتر "لما الناتو يدخل مصر هيرجع الجيش المصري وإحنا مش هانحمكم".
وملخص الكلام ومن الآخر إن دي حرب من الماسونية العالمية على مصر بيقودها الإخوان والبرادعي وأمريكا والباقي كله كمبارس!