مها أحمد: مجدي كامل بيحبني علشان بتشقلب في البيت وابن مسؤولة بماسبيرو وراء ابتعادي عن التمثيل

عبرت الفنانة مها أحمد عن حبها الشديد لزوجها الفنان مجدي كامل قائلة: "ممكن أكون حسدت نفسي عشان متجوزة راجل زي الفل، دكتور وبقى لنا 30 سنة متجوزين، ما سبتش البيت مرة، بيعشقني وهو سيدي وتاج راسي وجزمته على دماغي، وأنا ما بعرفش اتخانق، وساعات أكون متعصبة جدًّا عليه لأني عصبية شوية ولما يخرج من الأوضة أقول له مجدي اعمل لي معاك شاي والموضوع يخلص، وهو استغرب ده في أول الجواز".

مها أحمد ومجدي كامل

وأضافت مها أحمد خلال استضافتها ببرنامج "أسرار" مع الإعلامية أميرة بدر المذاع على قناة النهار: "مجدي بيحبني عشان حلوة وأمورة ومتجددة طول الوقت والكلام ده المفروض تعمله كل الستات، وأنا بتشقلب في البيت، وبيحبني كمان عشان شبه مامته، وست مكافحة وبيدلعني بيقول لي يا وزة وحياتنا كلها ما خرجش برة ولو هعيش معاه بـ 1000 جنيه أو 10 جنيه هعيش موافقة، وجبت أجهزة بيتي كلها بالقسط ساعة الجواز، والست ما تسامحش في الخيانة وأنا عمري ما اتخانت، وأنا ست كاملة متكاملة وقمر وبحب أدلع وأتدلع، ومجدي طول عمرنا أول ما يرجع البيت بيناديني يا وزة وياخدني وأنا قصيرة كده في حضنه ويحط دماغي على صدره".

 كما علقت الفنانة مها أحمد على غيابها عن التمثيل لفترة طويلة قائلة: "اللي ضرني إن كان فيه وقت الثورة قيادات قاسية من المتحكمين في الدراما عاندت معاه من غير ما أقصد قعدني 5 سنين في بيتي".

وتابعت: "كنت بعمل بطولة مسرحية وجالي ابن مسؤولة كبيرة في ماسبيرو، هي المتحكمة في توزيع الأدوار في المسلسلات، وابنها كان شغال سمسار أدوار ومامته شريكة في معظم الأعمال وأنا ما كنتش فاهمة للأسف ولو فاهمة كنت هعمل إيه برضه".

وأضافت: "ابن المسؤولة طلبني في أكثر من عمل كانوا كتير عليَّ فرفضت عشان الالتزام لأني بخاف على سمعتي، وكان موريني سابقة أعمال كبيرة جدًّا من ضمنها للزعيم عادل إمام، وكانوا مصريين اشتغل في سيت كوم معين، لكني رفضت، وبسبب مسؤولة ماسبيرو للدراما تم وقفي 5 سنين، ومش مفروض أطلع أبرر لكل الناس كل حاجة، لأنها كانت قادرة أووي ساعتها، وأنا كنت بعاند أكتر".  

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.