لجنة الخمسين مزعلة الكل

علمت وكالة هريدي نيوز، أن مناهضين لثورة 30 يونيو يعتزمون شن هجوم كثيف وغير مسبوق لا في التاريخ ولا الجغرافيا ولا حتي في الأفلام العربي على لجنة الخمسين لتعديل دستور نظام الإخوان.

يقول محرر الوكالة أن النقط التي ستستخدم في الهجوم وإثارة الرأي العام الذي قد يتعاطف مع رابعة بعدها، أول نقطة إهمال المدرسين علشان نقابتهم كلها إخوان، وإهمال القبائل العربية علشان طالعة يوم 16 أغسطس في ميدان الرماية تحتج على إقصاء كل القبائل العربية.

ويضيف محرر الوكاله: أن أهم ما يركزون عليه هو تمثيل الأزهر بـ 3 أعضاء مقابل 3 أعضاء للكنيسة، ويتساءل البيان اللي بيتعد في رابعة دلوقتي ليه هم المسيحيين أصبحوا نص الشعب المصري؟

وكمان الشباب ممثل فقط بأربعة أشخاص منهم واحد من تمرد برضو ليه هم اللي نزلوا الشعب المصري والا إيه، والأدهى والأمر أن الحكومة تعين 10يعني 20 % من اللجنة طب ليه؟

ونيجي بقى على الأحزاب (إسلامية- ليبرالية -يسارية - تيار قومي) 6 أشخاص مش مهم مين ليه تواجد ومين لأ و8 % من اللجنة للفن والفنانين، وعجبي!!

ويشير المحرر إلى أن: عدد العمال في اللجنة 2 بس والفلاحين 2 برضو والمجالس القومية بتاع الستات والتمويل الخارجي (المرأة- الأمومة والطفولة- الحقوقيون) 5 أعضاء و(الجامعات- متحدي الإعاقة) 5 أشخاص.

والجيش 1 والشرطة 1 ومفيش خلاص على كده ولا فيه غرف تجارية ولا غرف لصناعة السياحة ولا جمعيات ومؤسسات أهلية..
استر يارب!