9 شروط وتتفرق رابعة.. أو ما تتفرقش مش مهم!

علمت وكالة هريدي نيوز أن الشيخ محمد حسان قد قام بتحصين المعزول تحصينا سماويا وألبسه عباءة الصحابة، ووصفه بالصحابي المؤيد بالقرآن والسنة حيث لا كرامة لشعب مصر عليه.
يقول محرر الوكالة أنه بعد كده "بيوسطوه" بين الإخوان والنظام علشان يفضوا الميدان بهدوء وبدون عنف، بالذمة ده كلام بتاع حد يتوسط للهدوء والسلمية.
يضيف المحرر: أن الشيخ ده لو عمل اللالي مش هاتتحل إلا لما نعفيهم من دم المصريين ومن دم 80 واحد مدفونين في مقبرة جماعية في رابعة.
ويؤكد محررنا طبقا لمصدره الفشار: أن رغم كل ما ارتكبه الأخ اللي عايز يحلها والذي وضع في السكة مليون حجر تعرقل أي بوادر اتفاق ووضع 9 شروط أقل ما يقال عنها تقتل وتبيد الشعب بالكامل إلا أنه لابد من :
1-خروج جميع المعتقلين السياسيين من جماعة الإخوان المسلمين والتيارات الإسلامية
2-رفع الحظر عن جميع القنوات التي تم إغلاقها وعن جميع وسائل الإعلام التي تم حجبها
3-إطلاق سراح الرئيس محمد مرسي وإعطاؤه حصانة كاملة حالية ومستقبلية من أي ملاحقة
4-إرجاع العمل بالدستور الذي استفتى عليه الشعب بشكل كامل
5-إعادة تفعيل مجلس الشورى المنتخب وإعطاؤه الحصانة الممنوحة له سابقا
6-تعيين حكومة جديدة مؤقتة توافقية تشارك فيها الأحزاب الإسلامية وحزب الحرية والعدالة
7-التأكيد على حق جماعة الإخوان المسلمين وحزب الحرية والعدالة في المشاركة السياسية
8-إعطاء حصانة لكل من شارك في الانقلاب من الملاحقة القانونية في مصر وخارجها.
9-فض جميع الاعتصامات من جميع الميادين وإيقاف المظاهرات

ومن جانبه علق المحرر على شروط حسان: "وحياة أمك ؟!".. بص ياعم الحاج إحنا مش عايزينها تتفض والمصريين يعرفوا إزاي يفضوها بنفسهم !