عبير صبري: ندمانة على خلع الحجاب وممكن أرجلعه (فيديو)
أنكرت الفنانة عبير صبري، ما تردد وأشيع عن إجرائها عدة عمليات تجميل الفترة الماضية، مؤكدة:"الناس كلها شيفاني وعرفاني من ساعة ما بدأت ملامحي هي هي وشكلي هو هو ومفيش أي حاجة فيا اتغيرت".
الغيرة من عبير صبري
وأضافت خلال لقائها ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"أي حد يقول عليا إني بعمل عمليات تجميل يبقى غيران مني".
حقيقة عمليات تجميل عبير صبري
وتابعت:"معملتش أي عمليات تجميل في شفايفي ونزلت صورة ليا وأنا عندي 17 سنة على انستجرام علشان الناس تعرف أن دي ملامحي، والناس بدأت تكتب لي في الكومنتات احنا آسفين أننا ظلمناكي وقلنا إنك عاملة شفايفك، حتي شعري زي ما هو معملتش فيه حاجة جديدة".
ندم عبير صبري علي الحجاب
وأكدت عبير صبري:"لبست الحجاب وقلعته ودي غلطة وندمانة عليها، بس إن شاء الله ممكن طبعا أرجع البس الحجاب في توقيت ربنا يختارهولي".
في نفس اللقاء، قالت الفنانة عبير صبري:"نسبة التفاهم بيني وبين زوجي عالية جدا ووصلت لـ 80% لأننا كل فترة من العشرة بنفهم بعض أكتر وبنستوعب بعض أكتر وبنتجاوز عن أخطاء بعض وبننضج احنا الاتنين مع بعض".
العلاقة بين عبير صبري وزوجها
وأضافت:"في الأول كان زوجي أشقى مني بكتير، هو شقى وأنا هادية ولكن مع الوقت بدأ ياخد شوية من صفاتي ويسمع أكتر ويستوعب أكتر ويطبطب أكتر".
رأي زوج عبير صبري في أدوارها
وتابعت:"الأدوار اللى بشتغلها حرية شخصية ومباخدش إذن جوزي في أدواري ولكن أنا بحكيله وهو بيتحمس لشغلي أكتر مني أحيانا، وفي رمضان اتعرض عليا أكتر من عمل ولكن مكنش عندي طاقة أني أشتغل إلا عمل واحد ولكن هو كان عايزني اشتغل في أعمال كتير".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
