رانيا يوسف: تاريخ زينة ولا حاجة بالنسبة لي ونادية الجندي لقيت اللي ساعدها وأنا كان معايا ربنا
قالت الفنانة رانيا يوسف: "أنا نجوميتي أجمد من زينة، والنجومية بتاعتي عملتها بنفسي مش زيها، واللي حصل في مسلسل أرض النعام كانت بديلة لروبي، وتفاجأت إنها اشترطت على المنتج لضيق الوقت إن اسمها يتحط في العقد معايا وده ما كانش الاتفاق، والمسلسل كان باسمي وهي جاية في آخر المسلسل بتصور الديكورات بتاعتها اللي كانت فاضلة".
قصة الخلاف مع زينة
وتابعت خلال لقائها ببرنامج "حبر سري" الذي تقدمه الإعلامية أسما ابراهيم بقناة "القاهرة والناس": "تفاجأت في أول يوم رمضان أن زينة متساوية زيي ودا كان إخلال بالعقد، والنقابة وقتها اتدخلت، والمنتج دفع شرط جزائي بسبب إخلاله ببند العقد".
نجومية زينة
ولفت: "أنا نجوميتي أكتر من زينة لإني عملتها بنفسي، ومشواري الفني وأعمالي ما حدش ساعدني بمكالمة تليفون، وهي كام عدد مسلسلاتها دلوقتِ أنا عندي 170 مسلسل، وأنا رمضان بالنسبة لي مش مقياس والموسم برة رمضان بقى أعلى ومتشاف أكتر".
نجومية نادية الجندي
ولفتت: "أقر وأعترف إن نادية الجندي أكتر نجومية مني لأن بقى لها أكتر من 50 سنة بتمثل وكانت نجمة جماهير أكتر من 30 سنة، أنا عمري كله كام سنة؟ هي كان عندها عامل مساعد المنتج محمد مختار كان بينتج لها وهي كانت بتنتج لنفسها وعندها عوامل مساعدة، إنما أنا ما كانش عندي عوامل مساعدة غير ربنا".
مساعدة نادية الجندية ونجومية رانيا يوسف
وتابعت: "محمد مختار أنتج لنادية الجندي وما أنتجش ليَّ لأنها كنت بتطلب منه وبتدخل معاه شريكة في الإنتاج، أنا عمري ما طلبت منه، ما كانش في دماغي أوي قصة النجومية والشهرة أكتر من عمل عائلة وأنجب أطفال، دخلت الفن لإني بحبه بس ما بحبش حد يساعدني ويبقى له الفضل عليَّ ويقولوا جوزها أنتج لها ودي مش في دماغي، وطول الوقت واثقة في إمكانياتي وبعتمد على نفسي وأنا بني آدمة كويسة ولكن محتاجة طول الوقت إن ربنا يبقى ساندني وعارف اللي في قلبي، ونادية الجندي بالنسبة لي مش مقياس للنجومية ومن بكرة الصبح لو اتجوزت منتج رجل أعمال بعد ربع ساعة ممكن أخليه ينتج ليَّ بس مش دي دماغي وماشية بمجهودي وبحب الحاجة الصعبة لإني بستمتع بيها".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
