شباب "فيس بوك" يمنحون البلتاجي جائزة "نوبل"

لن تتوقف العمليات الإرهابية في سيناء إلا برجوع الرئيس مرسي إلى الحكم.. تصريح ناري جديد للدكتور محمد البلتاجي جعله مرشح الشباب لنيل جائزة نوبل في الغباء السياسي، المظاهرات المؤيدة للمعزول كانت محل سخرية شباب فيس بوك، فماذا قالوا..

كمال السعدني: اللي قاله البلتاجي هيخلي الإخوان يتحاسبوا على أي حاجة تحصل في سينا حتى لو مش هما اللي عملوها.. وعندك واحد نوبل في الغباء هنا يا ابني.

إيهاب حمدي: البلتاجي وهو بيتكلم عن الخروج الآمن لقادة الجيش عامل زي فار محبوس في مصيدة والناس بتتفرج عليه فوقف بكل ألاطة وقالهم: طلعوني وما تخافوش هاسامحكم.

أبو نسمة الأسطورة: هاقطع الطريق وهاحتل الميادين غصب عن سكانها وهاضربك بالمولوتوف وأول ما تيجي ترد عليا هافرش المصلية وأقول الله أكبر.. واضربني بقى لو تقدر.. ما انت كافر وتعملها.

مخموخ: هما الإخوان زعلانين إن مسيراتهم انضربت بالغاز؟؟ طيب هو مرسي كان استورده ليه؟ علشان نتبخر بيه؟؟

محمد رضا: هما عملوا جمعة الزحف ( الكرول ).. والجمعة الجاية هنعوم باك بعدها هعلمكوا البريست وعومة الدرفيل وبعدها احكيلكوا حكاية الترولى.

محمد الشامي: جمعة الزحف.. والجمعة اللي جاية هيبقي اسمها جمعة التسنين.

رامز العراقي: وجود عائلات بأكملها في اعتصام رابعة العدوية خفف كتير من الحمل على استهلاك الكهربا خصوصا في رمضان.. إياك أسمع حد يقولهم ارجعوا بيوتكو. 

فارس شاهين: سؤال بريء.. هما بتوع رابعة لحد دلوقتي محرقوش لا علم أمريكا ولا إسرائيل ليه؟

حامد سعيد: مش مشكلة...المهم ما تلاقيهمش حرقوا علم مصر كمان يومين.