مخابز حزب " النور " تهدد باستخدام حق " الفينو"

محمد جلال: هما أجلو أذان المغرب ولا حزب النور اعترض؟.
مؤلش: حزب النور عامل زي الواد اتخين اللى فيلم ثقافي، لا معاه فيلم ولا تليفزيون ولا مكان وعايز يتفرج. 
أحمد محرم: لن يضيف حزب النور شيئا جديدا في الحياة السياسية فإنهم يقومون بدور كومبارس..ﻷ وكومبارس عايز يعمل فيها.

بطل الفيلم.. يستحضرنى فيلم سمير وشهير وبهير عندما جلس سمير بجانب المخرج قائلا.. عالى أوى السقا.

هدير مبارك: حزب النور: إيمانا منا بالثورة (اللي مشاركناش فيها) وبأهدافها (اللي مش مقتنعين بيها ) ورموزها (الكفار) ولكي يعلم الجميع أننا معكم قلبا وقالبا.. شوفوا انتوا عايزين إيه واحنا مش هنوافق عليه.

أبو نسمة الأسطورة: طب احنا ممكن نعمل نفس الحركة في حزب النور.. نقولهم اختاروا انت رئيس الوزراء ومن قبل ما يتفقوا نقولهم مش موافقين.. ويبقى كده واحدة بواحدة.

محمد عبد الوهاب: اعتراضات حزب النور أكتر من عدد سكان قطر.

محمد محمود الصاوي: أمي عايزة تعمل بامية بكرة بس خايفة حزب النور يعترض.

محمد كاسب: المجلس الأعلى للألش يطالب بتعيين محمد مرسي مشرفا على مدفع رمضان.. ده تمامك بلا مبالغة.. تخيلوا بقى وهوه بيقول مدفع الإفطار اضرب.

ماتريكس: حزب النور يعترض على ترشيح المجلس الأعلى للألش لمحمد مرسي مشرفا على مدفع رمضان.. ويقترح تعيينه مسحراتى.