بدأ مسيرته الفنية طفلا.. ما لا تعرفه عن الفنان المعتزل شريف إدريس
أعلن الفنان الشاب شريف إدريس اعتزاله الوسط الفني، وذلك بسبب تعرضه للكثير من الصعوبات بالوسط، بالإضافة لقلة أعماله الفنية في الفترة الحالية، وعزوف المخرجين والمنتجين له.
ومن خلال السطور التالية ترصد “فيتو” أبرز المعلومات عن شريف إدريس بعد اعتزاله الفن:
بدأ الفنان شريف إدريس مسيرته الفنية وهو طفلا في منتصف الثمانينات، حيث ظهر في العديد من الأعمال السينمائية، ومن أبرزهم فيلم: "على باب الوزير"، "عفاريت السيالة"، " الهروب" وغيرهم.
كما شارك الفنان شريف إدريس مع غادة عبد الرازق في مسلسل "سلطانة المعز" والذي عرض في رمضان 2020.
اعتزال شريف إدريس
كتب شريف إدريس منشورا صادما عبر حسابه الشخصي بموقع التواصل الاجتماعي فيس بوك: بسم الله الرحمن الرحيم، بعد 35 سنة سعي وتعب وشقى في الوسط الفني؛ قررت الاعتزال والابتعاد تماما، وتغيير مسار حياتي، وأي حد عنده فرصة سفر ليا هكون شاكر ليه، وده طلبي الوحيد.
وتابع شريف إدريس: ده قرار أخدته بعد ما الأمور وصلت في الوسط الفني لمرحلة عبثية؛ وصلت أني بقيت بشوف بعض الزملاء بيشحتو الشغل علني علشان يشتغلو لأن الشغل بقى متقسم على ناس معينة، فلو الأمور وصلت لكده أبعد أحسن.
وأضاف شريف إدريس: حتى لما بيجي شغل بيتفرض عليك توافق بأقل الفلوس، وتخرج من الشغل مديون، ومواقف مهينة زي أن شركة إنتاج تعرض عليك أجر هو قيمة ربع أجرك، والسبب أن الميزانية مصروفة على الديكور.. طب خلو الديكور يمثل.
فيما استكمل شريف إدريس: هحكيلكم موقف حصل معايا من أسبوع اتصل بيا حد قالي عايزين حضرتك بكرة، عندك تصوير في مسلسل كذا، بس هتدفع 10% للكاستينج دايريكتور، كان هيجيلي جلطة بعد ما قفلت المكالمة، ووافقت علشان أنا محتاج أشتغل ومحتاج فلوس، وماقدرتش استوعب الفكرة بصراحة، أني بعد العمر ده.. مضطر أدفع علشان أشتغل.. فاتصلت واعتذرت.
واختتم الفنان شريف إدريس بــ: ده الحال حاليًا..أن الأمور بقت في إيد كاستينج دايريكتور وده موقف من مواقف كتير مريت بيها، لو حكيتها محتاجة كتاب مش بوست على الفيس، فطالما الشغل بقى لازم يتدفعله، وطالما الشغل بقى بالشحاتة، يبقى بلاش أحسن.
