تسريب امتحان العربي يقلق منام المرشد
تأكدت وكالة هريدي نيوز أن الامتحان اللي كان على صفحات النت مساء الجمعة طلع هو نفس ذات الامتحان اللي العيال بتوع الثانوية امتحنوه السبت في اللغة العربية، والوزير عمال يهري في نفسه علشان يكدب خبر تسريبه العربي والناس برضو ما صدقتش مش لأنه بيكذب لاء معاذ الله الراجل من حكومة قطونيل.
وقال محرر الوكالة: إن الوزير بيداري على الفضيحة دي لأن الممتحنين من التابعين وتابعي التابعين للجماعة وما يصحش توصل لتسريب الامتحانات.
قال المصدر الفشار بتاع كل مرة: إن الجماعة بتاعة المشروع الإسلامي مرعوبة من حكاية تسريب الامتحانات لأنها لا تتماشى مع مشروعها.
وأكد المصدر نفسه أن بديع الزمان قال للشاطر: نكدب ممكن نضحك على المصريين برضوا جايز نخطف كم عسكري ورجالتنا في غزة يقتلوا زيهم مقبولة، العيال بتوع الاتحادية تموت وماله، لكن امتحان يتسرب أهو ده اللي ما أقبلوش ولا شوفتوش.
