الأنفاق تنادي: "القدس - غزة - الضفة" ومفيش ركاب
علمت "هريدي نيوز" أن مسيرة نصرة القدس اللي خرجت بعد الصلاة كان ليها هدف خبيث جدًا أفصح عنه محرر الوكالة الذي قال: إن القصة كلها مخطط لها الشاطر جدا علشان يجمع التيارات الإسلامية نحوه قبل 30 /6 بصراحة الفكرة آخر حاجة وهايلة.
يضيف محرر الوكالة: إن الصوفيين ما دخلتش عليهم اللعبه وأعلنوا أنهم مش مشاركين مع الإخوان في حاجة، وجاء على لسان مصدر متصوف: اللي عايز يروح على القدس بالملايين محدش منعه الأنفاق مفتوحة على البحري، والمعابر عاملة زي الوكالة اللي من غير بواب، الحكم وفي إديكم، الأسلحة ومهربة من بره بالأطنان، وبرضه محدش منكم راح مكتفيين بس بالكلام ما ناخدش منكم غير كلام وبس.
وأكد مصدرنا الفشار إياه: إن البروفة بتاعة الجماعة فشلت فشلا ذريعا ما جابتش النتايج المرجوة ومفيش حماس، وأرجع المصدر السبب إلى الغياب اللي ملوش سبب واضح عن المشهد للمخترع الحصري لـ" على القدس رايحين - شهداء بالملايين" !
