رئيس التحرير
عصام كامل
Advertisements
Advertisements
Advertisements

شباب "فيس بوك" الجو جو أوربا.. والعيشة عيشة الصومال

فيتو

رياح..عواصف.. ده ذنب مين ده يا اخوانّا، مش احنا أخذنا فى حصة الدين اللى مدتها 10 دقائق، إن لما ربنا يغضب على بلد بيسلط عليها جنوده، شوفوا بقى الأغلبية عندنا مين – زى ما بيقولوا هم- اللهم لا تؤاخذنا بذنوبهم.


"الجو جو أوربا .. والعيشة عيشة الصومال"، شعار رفعه شباب "فيس بوك" تعليقًا على شدة برودة الطقس والذى أصبح شبيهًا بطقس الدول الأوربية، ليتناقل الشباب الكثير من النكات والتعليقات الساخرة والتى لا تخلو من السياسة وبتوع السياسة قائلين: "البلكونات فتحت فروع فى أوربا، نهضة دى ولا مش نهضة يا متعلمين يا بتوع المدارس"، "فيتو كافيه" رصدت تعليقات الشباب على فيس بوك..

إيهاب منير: الجو جو أوربا.. والعيشة عيشة الصومال.

جاد أحمد: الجـو بيستهـبل وعامـل نفسه فى أوربـا.. إيه دا؟!! عيـش عيشة أهلك يا عم.

بسمة محمد: بيت الرعب يا بيتنــا...الهوا كسّر شبابيكنــا.

عمرو حسين: أنا طلعت هدوم الصيفى خلاص؛ لأن الشتوى مش مكفينى.

أدهم ماجد: تنبيه هام.. ممنوع الخروج لأى شخص يقل وزنه عن 60 كيلو؛ لأنه ممكن يطيييييييييير فى الجو ده، والله الموفق والمستعاااان.
ريهام نبيل: إللى بيقولوا إن الدنيا برد هم اللى بردانين، هو فيه دولة فى الدنيا بتبرد...؟!!!

محمد جمال: روحت فتحت باب البلكونة لقتها فاتحه فرع فى أوربا، نهضة دى ولا مش نهضة يا معفنين يا بتوع النستو!!

شذى أسامة: إحنا بندعوا الدفيانين للعودة إلى وطنهم من جديد.

إيمان أوجد: عاجل الائتلاف العام للسقعانين يطالب بدفاية لكل مواطن.

مى شاذلى: يعنى فى الجو البرد ده مش مشكلة إحنا خالص.. بس النباتات!! ما ذنب النباتات؟!!

إبراهيم محمد: المجد لعساكر الجيش اللى بتحمى الحدود دلوقتى فى الثلج ده، ربنا يكون ف عونهم، وربنا يكون فى عونى أنا داخل بعد أسبوعين، ادعولى يا جدعان.

على حاتم: أنا سعيد إنك تلجتى التلج ده.

هيثم محمد: هاتولى راجل.. قصدى هاتولى جاكيت.

رنا مجدى: وقالت الماجات للنيسكافيه: نعم.

خالد يوسف: فى واحد قلقان عليه أوى فى الجو ده ... عصام العريان.

أمانى محمد: لو قولت "لأ" هتدخل النار.. قصدى هتدخل البلكونة.

أحمد خالد: أنا مهما حصل فيّا عمرى ما هقول فين أيامك يا صيف.. فين البطاطين يا منى.
Advertisements
الجريدة الرسمية