نتيجة الثانوية العامة تتصدر تراند مصر على تويتر

احتل هاشتاج "الثانوية العامة" مركزا متقدما بتراند مصر على تويتر، فور إعلان نتيجة الثانوية العامة، حيث غرد في الهاشتاج أكثر من 15 ألف تغريدة عبر فيها النشطاء عن حالة القلق والخوف التي تجتاح البيوت المصرية من الثانوية العامة ونتائجها.

فقال محمد "بتوع الثانوية العامة على أعصابهم ياعينى ربنا يطمنهم ويفرحهم مش عايز أحبطكم.. بس هونوا على نفسكم محصلة بعضها"..

وأضاف حسام حسني "#الثانوية_العامة مهما حصل لقدر الله الثانوية العامة مش نهاية كل حاجة.. أنت ممكن تبقي كويس فالمكان إلى هتبقي فيه وتشتغل احسن بكتير من المكان إلى أنت كنت محتاجه".

وعلق ميرنا محمد "سواء ليا حد في الثانوية العامة أو مليش برضو قلبي يتقبض لما أسمع إن النتيجة قربت تظهر".

ياسر مورو "أقسم بالله قلبي واجعني ع الشباب الورد بتوع ثانوي عام ولا كأني رجعت نحو ١٢ سنة ورا ومعاهم مستني النتيجة ربنا يوفقكم يارب ويفرح قلوبكم وقلوب أهاليكم #ثانوية_عامة #نتيجة_الثانوية_العامة_2018"..