رئيس التحرير
عصام كامل
Advertisements
Advertisements
Advertisements

بيتر ميمي يكشف الكواليس الحربية لفيلم «حرب كرموز» (صور)

فيتو

كشف المخرج والمؤلف بيتر ميمي كواليس فيلم "حرب كرموز"، مؤكدًا أن حجم الفيلم كبير لكنه نجح في كتابة الفيلم، الذي اقتنع به المنتج محمد السبكي، وشرع في إنتاجه.


وعما أطلق عليه أسرار حربية لفيلم "حرب كرموز" حكى بيتر ميمي عبر حسابه على فيس بوك: "السبكي قالي عايزين نعمل فيلم وقت الاحتلال الإنجليزي حسيته بيهزر في الأول وبعدين طلع الموضوع بجد واتنين من أهم المؤلفين اعتذروا والمشروع كان تقريبا وقف والسبكي سافر المغرب رجع قولتله أنا كتبت الفيلم وبعته قرأه وقالي تعالى حالا روحتله قالي الفيلم ده هنفذه إزاي؟ قولتله نخف منه شوية قالي لا لا نقعد نفكر وهنفذه زي ما هو مكتوب".

وقال بيتر "أقنعت النجم (أمير كرارة) بالفيلم وهو علشان بيثق فيا وافق وكان متحمس للفيلم على الرغم أنه كان عنده عروض أكبر وأهم، بعدها ممثلين كتير اعتذرو علشان حسو أن الفيلم مستحيل تنفيذه!".

واستمر بيتر في كشف كواليس "حرب كرموز" قائلًا: "أمك صاحبتي.. دي لازمة عندي صديقي (سيف عريبي) بيقولها لما يتخانق مع حد وكتبتها في الفيلم وأستاذ محمود حميدة كان رافض يقولها وقعدت أنا وعم محمد أقنعناه بالعافيه بس هو حبها بعد كده وبقى يقولها لأي حد يضايقه على فكرة الدور ده أكتر دور تعبنا في تسكينه".

وعن التحضير للفيلم قال: "في التحضير اتفرجت على ١٥ ساعة أفلام وثائقية و١٢٠٠ صورة عن شكل الدبابات والمدرعات والملابس و٥ كتب الفترة.. محمد السبكي كان هو المشرف على ملابس المجموعات كنت بجبله صورة التفصيلة والزراير والرتب وشكل الأحذية وهو اللي كان بينفذ لدرجة أننا كنا عاملين لكل فرد من المجموعات شماعة عليها اسمه وملابسه كاملة علشان منتهش بعد مايجو يقيسو الملابس في المكتب المكتب كان فيه أكتر من ألف شماعة".

وسرد بيتر: "قعدت شهر بقنع عم محمد بتصنيع دبابتين لما اقتنع صنع ٥ دبابات وفجرناهم الحمد لله.. اللي كان هيعمل دور الچنرال آدام النجم العالمي (ڤاندام) بس طلب فلوس كتير أوى أكتر من أجرى تقريبًا.. بعد كده جبنا (سكوت ادكينز) بويكا في دور الضابط المجنون وده كان أول مرة نجم من هوليوود يكون في عمل مصري".

وتابع: "كان كل يوم تصوير أكشن بنعمل خريطة وخطوط علشان منتهش في وسط المجاميع الكتير أوي دول علشان الفرق كان بين الشوت والشوت في نفس المشهد شهر أو شهرين (مش هتحس بده في الفيلم) ومكنش حاجة بتضايقنا كمية الدخان والتراب اللى دخلت صدرنا".

وقال بيتر: "سكوت ادكينز قالي على (مايان السيد) she is so smart and clever.. قعدت أنا و(دياب) نحفظ سكوت ادكينز الكام كلمة عربي اللي قالهم في الفيلم.. (سارة الشامي) هي اللي ترجمت الفيلم".

وأضاف: "آخر ضربة ضربها (أمير) لسكوت ادكينز كانت بجد، قولتله إيه يا أمير؟ قالي بلا إيه بلا بتاع ما أنت سايبه يضرب بجد وأنا مبتكلمش مجتش على الشلوت ده وأنا قاصد بصراحة، إحنا أصحاب يا بيتر ده خواجة يومين وماشي، اضرب براحتك يا باشا مصر، وبعدها أمير جاب مدرس إنجليزي البيت عنده مش عارف إيه السبب لغاية دلوقتي".

وأضاف: "الفيلم ده اتنفذ باتنين إنتاج فقط لا غير، أنا بتكلم بجد الفيلم ده اتنفذ بفردين إنتاج وفوقيهم محمد السبكي.. العربيات القديمة تم معالجتها وتركيب مواتير جديدة ودريفت هاند وبلاوي علشان المطاردات".

وقال: "مصطفى خاطر كان بيخلي يوم التصوير أحسن وألطف، بجد أنا كنت بقعد طول الليل معرفش أنام من كتر التفاصيل وخايف من حجم الفيلم وشكله أحيانا كتير بحسه كبير عليا بس ربنا ستر والحمد لله كان معايا أمير كرارة باشا مصر ومحمد السبكي من أجمد منتجين مصر هو ورنا وندى ومعاهم حسين عسر وباهر رشيد".
Advertisements
الجريدة الرسمية