مواطن: مستشفى المبرة سايبين والدي من أسبوع بكسره دون عملية

أرسل أحد المواطنين استغاثة إلى وزير الصحة ومسئولي محافظة بورسعيد بعدما تعرض والده للإهمال الطبي.

وقال المواطن في شكوى عبر «واتس آب فيتو»: «والدي بيموت بسبب إهمال في مستشفى المبره من يوم الأربعاء اللى فات، مصابا بكسر في الفخذ الأيسر ومعرضا لبتر قدمه، لأن المستشفى سايباه لحد دلوقتى من غير عملية، ودون تركيب شرايح ومسامير، بقاله ٨ أيام في نار ووجع دون مسكنات، لأنه عنده فيروس سي، وارتفاع وظائف الكلى».

وتابع: مين يقدر يستحمل الوجع ده بدون مسكنات ومش عايزين يعملوا العملية، لأن المستشفى فيها ترميم ولا عايزين يحولوه على مستشفى تانية، والدى قاعد بقاله ٨ أيام، مفيش دكتور عدى عليه غير مرة واحدة، والدى راجل مسن، وبيعذبوه في أواخر أيامه، ومش عايزين يرحموه لو ليه واسطة كان عملوله العملية، والدى في الدور الرابع قسم جراحة العظام حجرة 15، اسمه محمود السيد سليمان. ارحمونا.

وتتيح «فيتو» لقرائها التواصل الدائم معها عبر كل وسائل الاتصال الممكنة لمختلف الأجهزة، وهي «واتس آب whatsapp، سكايب skype، فايبر viber، لاين line، بي بي إم BBM، كيك kik»، وذلك عبر الرقم «01270709070».