عمرو الليثي يطرح مبادرة «اسأل عن صحابك القدام»
قال الإعلامي عمرو الليثي في مقدمة برنامجه "رمضان الخير" المذاع عبر أثير محطة "نجوم FM" إن رمضان شهر الخير والعطاء والتكافل الاجتماعي أوله رحمة وأوسطه مغفرة وآخره عتق من النار.
وأضاف الليثي: "علشان كده يا ريت نغتنم الفرصة ونتسابق في عمل الخير وياريت يكون فرصة للتواصل مع القرايب والأصحاب، ومن أروع مكاسب العمر لما تقف ذاكرتك بمحطات ناس غاليين عليك عاشرتهم وعيشت معاهم وتكتشف يوما بعد يوم أنهم كنوز في رصيد حياتك فتأنس بهم وتدعوا الله أن يسعدهم".
وتابع الليثي: "لو كل واحد فينا رجع لأصدقائه القدام اللي كانوا معاه في بداية حياته وهو لسه على أول السلم يمكن يلاقي حد فيهم لم يسعده الحظ أو لم يوفق في حياته قد يكون فقيرا محتاجا ليد العون أو مريضا محتاج علاج"، وطرح اليثي مبادرة لهذه الحلقة وهي (اسأل عن صحابك القدام)، اتصل بيهم أو زورهم أو روح افطر معاهم وتتجمعوا زي زمان وتتعاونوا في عمل الخير مع بعض.
