«جه رمضان» قصيدة للشاعر الأسواني أبوالحسن حسن عكاشة

جِه رمضان والجو سحور
والفوانيس داير ما يدور
طعم الفرحة ف قلبي أنا سارحة
جوا طريقه هداية ونور

كله سكينة وكله أمان
كل سعادة مع الغفران
وسط شوارع وسط غيطان
تُعم البركة ولو ف قصور

والصواريخ ودوِيّ مدافع
ساعة الفطر لإيدك رافع
كل دعاك في الدنيا دي نافع
والجنات مليان قصور

التراويح وقيام الليل
كل ساعاته ماليةا مثيل
الأيام فيه خير دليل
فضل عظيم ولربي شكور

أوع تنس زكاة الفطر
والخيرات فرصة فـ العمر
ياجماله مع ليلة القدر
والخير فيها من ألف شهور