الحسيني يهاجم أجهزة محافظة الجيزة: «فيه ناس هتاخد كارت أحمر قريب»

وتابع الحسيني: "مشكلات الكهرباء والصرف والمياه والطرق وغيرها، كلها بتروح للنائب، ولازم الأجهزة التنفيذية تشتغل وتتفاعل مع مشكلات الناس، وترسل خطابات لمجلس النواب عن إجراءات حل هذه المشكلات، لازم نفلتر ونراقب صح، لإن بالشكل دا مفيش مراقبة، هنراقب ناس مش عارفة حاجة ولا أي أرقام.

وانتقد وكيل لجنة الإدارة المحلية، زيادة بند تعويضات العاملين في الجهود غير العادية بموازنة محافظة الجيزة بمبلغ مليون جنيه عن السنة الماضية، قائلاً: "تعويضات العاملين في بند الجهود غير العادية زادت مليون جنيه، طيب انت عندك جهود أصلاً، إزاي تزود مليون جنيه من قوت الشعب، وإيه هي الجهود غير العادية، إيه بيطلع يشتغل في الشمس يعني، عايزين نمنع الأرقام الوهمية دي، وبقول للناس اعرفوا إن المسئول اللي جزمته متلمعة متخدش منه رجا، احنا هنحاسبك على أداء وبرامج، بعض المسئولين مش بيعملوا حاجة.. وديتونا في ستين داهية والمواطن مش لاقي حاجة، رئيس الجمهورية شغال نتعلم منه، ونخلي القوات المسلحة تشرف هي على المشروعات، إحنا بنتكلم في مصير شعب، فيه 8 مليون مواطن في الجيزة، وعايزين نساعد المحافظ والأجهزة التنفيذية يشتغلوا، فيه ناس بتشتغل بجد وفيه ناس هتاخد كارت أحمر قريب إن شاء الله".