آمال محمد هريدي تكتب: عاشق ثلاث حروف

قلبي عشق خلاص...
عشق وداب وحب بإخلاص...
عشق ترابك وعشق كل ما فيكي...
عشق ثلاثة حروف...
م ص ر...
جري عليكي بقلب ملهوف..
قال أنا خلاص عشقت أراضيكي...
عشقت البلد الشيالة...
ما هي حبتني ف كل حالة...
ف حزني ف تعبي ف فرحي
كانت واقفة معايا...
ومنين ما أروح دعواتها دايما ويايا...
القلب والله ما يعشق غيرك..
ما إنتي ياما إديتيله من خيرك..
الشوق ميال والقلب داب فيكي...
وأنا مهما أقول يا بلادي قليل عليكي...
أقول إيه ولا إيه...
يا بلدي يا حبيبتي عملتي فيا إيه...
مش قادر أسيبك وأبعد عنك..
أبعد إزاي ده أنا كلي منك..
أبعد وأروح على فين...
مفيش ف القلب غيرك...
جوايا ليكي حنين...
حالف ما يعشق غيرك..
مهما ألف البلاد وأشوف...
هفضل عاشق الثلاثة حروف.