ساخرون.. رئيس هيئة الأرصاد الجوية: أنا بقيت في نص هدومي من الناس اللي اشترت لبس شتوي

علمت وكالة "هريدى نيوز" الإخبارية أن الدكتور "أحمد عبد العال"، رئيس الهيئة العامة للأرصاد الجوية عقد اجتماعًا طارئًا أمس الأول للوقوف على حركات الاستهبال اللى بيعملها الطقس في مصر.. وقال "إحنا مابقيناش عارفين نقول للناس إيه.. الشتا بقى زى الصيف.. وكل توقعاتنا بدرجات الحرارة مضروبة".

صرح بذلك مصدر "فشار" غاوى تنكيت وهزار، وأضاف أن عبد العال قال أثناء الاجتماع وهو يتصبب عرقا: "أنا بقيت في نص هدومى من الناس اللى اشترت لبس شتوى.. دا لولا شوية المطرة اللى نزلت الأسبوع الماضى كانت فضيحتنا هتبقى بجلالجل"!