5 رسائل من السيسي للمصريين بشأن صفقات استيراد الغاز من إسرائيل
علق الرئيس عبد الفتاح السيسي على إعلان بعض شركات القطاع الخاص عن عقد صفقات لاستيراد الغاز من إسرائيل، والتي أثارت حالة من الجدل في الشارع المصري.
وقال: "حصل نقاش كبير قوي على موضوع الغاز، وأنا بصراحة سعيد جدا بالنقطة دي على عكس ما يتصوره الكثيرون، لأن يهمني جدا إن المصريين يكونوا متابعين وحريصين على فلوس بلدهم".
وأضاف: "احنا اهتمامنا ده أننا نجمع الموقف بشكل متكامل، وعلى فكره الحكومة مش طرف فيه الموضوع بتاع استيراد الغاز من إسرائيل ده القطاع الخاص اللى عمله لكن احنا كحكومة نتصدى، احنا معندناش حاجه نداريها أو نخبيها ونتكلم زي ما أنا بتكلم بوضوح كده".
ووجه السيسي رسالة للمواطنين قائلا: "يا مصريين لازم تعرفوا إن منتجاتنا اللي بنستهلكها كمشتقات سواء كان غاز أو بنزين تقريبا 1.3 مليار في الشهر، يعني 11 أو 13 مليار جنيه في السنة، ده حجم منتجات الطاقة سواء غاز أو مشتقات بترول بنستهلكها في السنة، لو النهارده بنشتري بمليار ونص دولار غاز من إسرائيل ده معناه 125 مليون دولار شهريا ده لازم نحطه قدام فاتورة الاستهلاك بتاعتنا في مصر".
وأضاف: "عشان تبقى مركز إقليمي للطاقة في المنطقة في 3 خيارات إن التسهيلات دي تقام في الدول اللي تمت فيها اكتشافات الغاز في قبرص أو لبنان أو إسرائيل أو مصر طيب إزاي مصر تبقى مركز إقليمي احنا عندنا تسهيلات ومنشآت مش موجودة في دول كتير في منطقة المتوسط أو على الأقل الدول اللي بنتكلم عليها دلوقتي وبالتالي الغاز المكتشف في قبرص وإسرائيل ولبنان وغيره، يا إما يطلع عن طريق تركيا يا إما يطلع عن طريق الدول المنتجة بنفسها يا إما عن طريق مصر، مصر فيها قانون ينظم تجارة الغاز في مصر، يسمح للقطاع الخاص باستيراد الغاز عشان يبقى السوق حر في تداول الطاقة".
وقال: إنه لو تقم الشركات الخاصة بشرائه كان المصريين يعترضوا، وأضاف: "كنت هتقولوا الدنيا راحت مننا لا الدنيا مرحتش مننا أنت متعرفش شركات القطاع الخاص اللي اشترت دي، هو فيه حد بيخسر في القطاع الخاص ده هما اشتروا الغاز من إسرائيل بشطارة أكتر من الدولة".
وأشاد السيسي باهتمام المصريين بقضية الغاز، قائلا: "خلوا بالكم من بلدكم واحرصوا عليها وحطوا أيديكم في كل حاجة، دي بلدكم مش بلد حد تاني، ومش هتقوم غير بيكم"، مؤكدا أنه من أجل أن تصبح مصر مركزا إقليميا للغاز يجب إنشاء مراكز لتسييل الغاز وتجهيزه للتصدير.
وأضاف: "بفضل الله جابنا جون يا مصريين مصر وضعت رجلها لكي تكون مركزا إقليميا للطاقة في المنطقة العربية اطمئنوا يا مصريين احنا جاهزين لنكون أكبر مركز إقليمي للطاقة في منطقة الشرق الأوسط".
