أمجد المصري يكتب.. ردا على وزير التنمية المحلية

الصعايدة مش عوالة
الصعايدة فعل وقوالة
الصعايدة دول رجالة
الصعايدة سواعد شغالة
الصعايدة أصل كل جد
الصعايدة مقصروش مع حد
الصعايدة اللى بنوها
واسأل ولاد البلد
الصعايدة يعنى شيخ العرب همام
الصعايدة عبد الناصر الهمام
الصعايدة مهندس بيبنى
الصعايدة دكتور بيعالج
الصعايدة شيخ بيهدى
الصعايدة عملة صعبة من الخارج
الصعايدة أستاذ بيعلم
الصعايدة إعلامي بيتكلم
الصعايدة يعنى أسوان الطيبة
الصعايدة الأقصر الحضارة
الصعايدة قنا القريبة
الصعايدة سوهاج تجارة وشطارة
الصعايدة أسيوط العلم
الصعايدة المنيا الجميلة
الصعايدة بنى سويف الحلم
الصعايدة الجيزة المدينة
الصعايدة بلاد الحرب ويَّا السلم
الصعايدة جيوش مصر الأمينة
الصعايدة يعنى طه حسين
الصعايدة يعنى العقاد
الصعايدة بلاد الطيبين
الصعايدة فخر الأجداد والأولاد
الصعايدة مش بتوع عشوائيات
الصعايدة أصل كل الحضارات
إهداء مني لوزير التنمية المحلية