بعد نشر «فيتو» استغاثة والدته.. الأزهر ينقذ طفلا من الموت ويتكفل بعلاجه
في استجابة سريعة لرسالة الاستغاثة التي أطلقتها إحدى الأمهات على مواقع التواصل الاجتماعي؛ لإنقاذ طفلها المرض، أصدر الإمام الأكبر الدكتور أحمد الطيب، شيخ الأزهر الشريف، تعليماته إلى بيت الزكاة والصدقات المصري، بفحص حالة الطفل الذي يحتاج إلى عمل جراحة حشو عصب وتغيير ٢٠ سنة، تكلفتها ١٧ ألف جنيه، وعملية أخرى في القلب، وتحديد المطلوب والتكفل بالنفقات.
وكانت «فيتو» نشرت أمس رسالة الأم التي تحكي فيها عن معاناتها مع مرض طفلها الذي يبلغ من العمر ثلاث سنوات، ويعاني من مشكلات في صمام القلب، وأنفقت كل ما تملك على علاجه، وتحتاج لمن يمد لها يد العون لإنقاذ حياته.
وجاء في نص الرسالة: «أنا أم لطفل عنده 3 سنوات، طلع عنده مشكلات في صمام في القلب، وأسنانه كلها بايظة، وأي دكتور فاهم إن تسوس الأسنان بسبب ميكروبات بقايا الطعام، الميكروبات دي بتنزل في وريد الدم، وتتكون في صمام القلب، وقريب جدا لو لا قدر الله الميكروبات دي هتكون "خراج" في صمام القلب».
وأضافت الأم: «أنا ماكنش حيلتي غير دهبي اللى بيعته، وأبوه على قد الحال، شغال يوم بيوم، بس ربنا كريم الحمد لله، أنا عمري ما فكرت إني هييجي يوم عليا، وأحتاج لحد، طول عمري مكفيه بيتي وابني حياتي، بس الضنا غالي، أغلى من الكرامة والله».
وتابعت: «أنا احترت، لفيت على مستشفيات كتير، حتى مستشفى دكتور مجدي يعقوب والله، بعت لجمعيات خيرية كتير، منهم اللي يقول لازم والده يبقى متوفي، ومنهم اللي يقول لا، إحنا حالات سرطان بس يا فندم، ابني بيضيع عشان سيادتهم ماشيين بورق ونظام، ابني يموت عادي عشان أبوه عايش، ولا عشان مش مريض سرطان، هو أبوه ولا أنا لو قادرين ع المبلغ عمرنا ما كنا اتحوجنا، بس ربنا ما يكتب عليكم قلة الحيلة ووجع قلبك على ضناكي».
وأوضحت: «جراح القلب قال: إن مش ممكن يعمل له العملية غير بعد ما دكتور الأسنان يعالجه، ودكتور الأسنان قال عايز يعمل حشو عصب ودرس وتركيب طرابيش وتلابيس؛ لأن السنان فيها ميكروب بياكل في العصب، هيعمل الأسنان وبعدين نشوف الصمام مصيره جراحة ولا علاج، كل المستشفيات فيه اللي رفضت، وفيه اللي طلبت إقرارات علينا ع البنج الكلي اللي هياخده».
واختتمت: «تكلفة دكتور الأسنان 17 ألف زي ما في الروشتة، والله ما حيلتي منهم خمسين جنيه حتى.. إحنا مش عايزين فلوس، إحنا عايزين اللي يساعدنا يروح بنفسه يدفع المبلغ المطلوب للعملية بالمستشفى في القاهرة، ويحضر معانا يوم العملية لو حابب».
