رئيس التحرير
عصام كامل

«أنقذوا ابني من الموت».. رسالة «أم» أنفقت ما تملك لعلاج طفلها

صورة ارشيفية
صورة ارشيفية

تداول نشطاء موقع التواصل الإجتماعى «فيس بوك» رسالة من إحدى الأمهات تحكى فيها عن معاناتها مع مرض طفلها الذي يبلغ من العمر ثلاث سنوات ويعانى من مشكلات في صمام القلب، وأنفقت كل ما تملك على علاجه، وتحتاج لمن يمد لها يد العون لإنقاذ حياته.


وجاء نص الرسالة «أنا أم لطفل عنده 3 سنين طلع عنده مشكلات في صمام في القلب أسنانه كلها بايظة وأي دكتور فاهم إن تسوس الأسنان بسبب ميكروبات بقايا الطعام، الميكروبات دي بتنزل في وريد الدم وتتكون في صمام القلب وقريب جدا لو لا قدر الله الميكروبات دي هتكون " خراج في صمام القلب ".

وأشارت الأم « انا ماكنش حيلتي غير دهبي اللى بيعته وأبوه على قد الحال شغال يوم بيوم، بس ربنا كريم الحمد لله، انا عمري ما فكرت اني هيجي يوم عليا واحتاج لحد، طول عمري مكفيه بيتي وابني حياتي، بس الضنا غالي، أغلى من الكرامة والله». 

وتابعت : « انا احتارت، لفيت على مستشفيات كتير، حتى مستشفى دكتور مجدي يعقوب والله، بعت لجمعيات خيرية كتير، منهم اللى يقول لازم والده يبقى متوفي ومنهم اللي يقول لا احنا حالات سرطان بس يا فندم، ابني بيضيع عشان سيادتهم ماشيين بورق ونظام، ابني يموت عادي عشان أبوه عايش ولا عشان مش مريض سرطان، هو ابوه ولا انا لو قادرين ع المبلغ عمرنا ما كنا إتحوجنا، بس ربنا ما يكتب عليكم قله الحيله ووجع قلبك على ضناكي».

وأوضحت «جراح القلب قال أن مش ممكن يعمل له العملية غير بعد ما دكتور الأسنان يعالجه، ودكتور الأسنان قال عايز يعمل حشو عصب ودرس وتركيب طرابيش وتلابيس لأن السنان فيها ميكروب بياكل ف العصب، هيعمل الأسنان وبعدين نشوف الصمام مصيره جراحة ولا علاج كل المستشفيات فيه اللي رفضت وفيه اللي طلبت إقرارات علينا ع البنج الكلي اللي هياخده»

واختتمت «تكلفة دكتور الأسنان 17 ألف زي ما في الروشتة، والله ما حيلتي منهم خمسين جنيه حتى.. احنا مش عايزين فلوس احنا عايزين اللي يساعدنا يروح بنفسه يدفع المبلغ المطلوب للعملية بالمستشفى في القاهرة ويحضر معانا يوم العملية لو حابب».
Advertisements
الجريدة الرسمية