مصطفى يونس يهاجم صالح جمعة: اتصدمت فيك وربنا هيحاسبك على اللي بتعمله

هاجم مصطفى يونس، نجم النادي الأهلي والمنتخب الوطني السابق، صالح جمعة، لاعب النادي الأهلي، بعد تداول مقطع فيديو له خارج يؤكد عدم التزامه بتعاليم وتقاليد القلعة الحمراء.

وقال "يونس" خلال برنامج «ستاد العاصمة»، المذاع على فضائية «العاصمة» موجها حديثه لصالح جمعة: "الحقيقة أني اتصدمت فيك، وكنت شايف فيك أبو تريكة الجديد، وأعلى كمان لأن أبو تركية جالنا وعنده 27 أو 28 سنة".

وتابع: "مش عارف أقول إيه.. ربنا هيحاسبك على اللي ادهولك ومصنتوش ومحافظتش عليه.. ويا ريت تخلي عندك قدوة ومثل أعلى.. مثلا عندك محمد صلاح قدوة لكل شاب في مصر في كل المجالات وليس كرة القدم بس.. ولو كل شاب اشتغل زي صلاح أعتقد هنبقى أعظم دولة في العالم.. والإخلاص للمكان اللي أنت بتأكل منه عيش أكيد ربنا هيرزقك ويديلك".

وكما علق "يونس" على ما تردد أن صالح جمعة يبحث على عقد احتراف خارجي قائلا: "هتفرق إيه أوروبا ولا هنا.. وأعتقد أنك لو احترفت هتبطل كورة خالص.. لكن هنا العيون شايفاك".

واختتم "يونس" هجومه على "جمعة" قائلا: "خلاص أنا مش هدافع عنك تاني بعد ما كنت بدافع عنك أكتر من أبوك وأمك غير لما ترجع زي ما أنا شايفك زي صلاح والنني وحجازي ومحمد إبراهيم وعمر جابر وأنت مش أقل من الناس دي".