ساخرون.. أحمد شفيق: معلش أنا كنت بهزر معاكم ومش ناوي أترشح ولا حاجة
في بيان أرسله الفريق “أحمد شفيق” لوكالة “هريدى نيوز” الإخبارية قال: إلى شعب مصر العظيم.. معلش أنا كنت بهزر معاكم.. ومش ناوى أترشح ولا حاجة.. كل الحكاية إني كنت قاعد في البيت بجرب فكرة إني أعلن ترشحي وأسجلها فيديو.. قوم إيه البنت المفعوصة بنتى أخدت الفيديوهات وبعتت واحد لـ”رويترز” وبعتت التاني للجزيرة.
صرح بذلك مصدر فشار غاوي تنكيت وهزار، وأضاف أن شفيق قال له في اتصال تليفوني: “أنا مش ندل علشان أنكر جميل الإمارات يا عم الشيخ.. كفاية إنهم استضافوني طوال 5 سنوات هي مدة أداء العمرة.. وأنا عارف إن الشعب المصري ابن نكتة وهيقدر موقفي.. ولكم مني بنبوناية لكل مواطن”.
