قضية وادى النطرون فاشوش

كان محرر هريدى نيوز فى زيارة إلى قصر الاتحادية كعادته، يذهب هناك كل أسبوع مرتين، المهم أن هذه المرة كانت مختلفة عن كل المرات.. ليه يا عم .. لأن أحد مصادره الفشارين أخده على جنب، وقعد يرغى ييجى ساعتين.. يقول المحرر إنه خرج من الساعتين الرغى دول بخبر رائع جدًّا.. المصدر الفشار قال لمحررنا: إن أول حاجة عملها حاكم البلاد بعد ما اتربع على الكرسى إنه طلب ملف سجن وادى النطرون من المخابرات، وخاصة المستند بتاع 2 تليفون الثريا واحد منهم كان معاه والتانى مع حمساوى خده وسافر، المهم إن مصدرنا الفشار قال إن الريس أخفى الملف ده تمامًا علشان كده قضية وادى النطرون هاتطلع فاشوش.