المعلم هريدي يكتب: نشرة أخبار «مهيس ولا متيس»

مستشار شيخ الأزهر لشريف إسماعيل: «تحملتم المسئولية في ظروف صعبة».. اللى اتحمله الشعب لا يمكن يتحمله بشر يا مولانا، اتقى الله فينا.

المشرف على انتخابات الزمالك: التصويت في موعده اليوم بعد عودة العتال.. إيه يعمل الترقيع في الثوب البالى.

محمود الخطيب يرد على اتهامه بـ«تحويل الأهلي لنادي كرة قدم».. واحد بتاع كرة، عاوزينه يعمل إيه؟! يقور كوسة.

مرتضى: تسلمت خزينة الزمالك بداخلها 600 جنيه وحاليا بها 156 مليونا.. انت كده تمسك وزير مالية بقى.

وزير الإسكان الأقرب لتسيير أعمال الحكومة خلال رحلة علاج إسماعيل.. جربوا فينا وفى اللى خلفونا، ما إحنا الشعب وأنتوا اللى حكمتونا.

«المفتي» على المتصدر للفتوى التأهل أولا.. يلعب في أفريقيا ويدرب في الأهلي.

طالب يخترع مصعدًا كهربائيًا مزودًا بشبكة محمول في المنوفية.. العبقرية بتنط من حبابي المشروع.

«سوق النخاسة».. مزادات بيع العبيد في أمريكا.. اللى بيته من إزاز ميحدفش الناس بالطوب.

عمرو دياب يشارك في العيد الوطني لـ«سلطنة عمان».. طول عمر السلطان قابوس لا يبالي، تلقاه فاكر دياب إسماعيل كوليبالي.

ظهور «بوفون» في الملعب دون شورت بعد لقاء برشلونة يثير السخرية.. ربنا يسامحك يا حضري جننت بوفين بتصريحك.

تورط 3 موظفين عسكريين من مرافقي ترامب في مكالمات مخلة مع أجنبيات.. الحرمان وحش يا إخوانا.

إعلانات بـ20 مليون دولار تطالب ترامب بالاستقالة.. هاتوا 10 بس وأنا أخليه يبطل كل حاجة.

رئيس الوزراء يغادر مطار القاهرة لإجراء عملية جراحية بألمانيا.. انت رايح ألمانيا وانت بتقول عندنا أفضل خدمة صحية في مصر؟!

مطار شرم الشيخ يرفض دخول دبلوماسي ألماني تنفيذا لمبدأ المعاملة بالمثل.. آه إحنا مش قليلين، هتضرب هنضرب، هتمنع هننمنع، كرامتنا أهم من أي حاجة.