المعلم هريدي يكتب: نشرة أخبار «مهيس ولا متيس»
«الصحة»: لا نقص في تطعيم الدرن و2 مليون جرعة متوفرة بمخازن الوزارة.. النواقص في البلد مع مين؟ مع العمي والمكسحين.
شريف إسماعيل يرأس اليوم اجتماع الحكومة الأسبوعي.. يجتمع الأربعاء ليصب في «مصلحة» المواطن الخميس.
10 مطالب للأطباء في قانون التأمين الصحي الشامل الجديد.. عاوزين بدل عدوى، بدل سكن، بدل ضرب، بدل إهانة، بدل كرامة، بدل مواصلات، بدل لبس، وبدل ما أغزك.
شحن 425 كجم ذهب من منجم السكري بمطار القاهرة إلى كندا.. خيري للناس وفي خير بلدي محتاس.
أديب: «العالم ينزعج من التحرش وفي مصر بنغني له حط إيده يا».. انت اللي نيتك وحشة، القصد في الأغنية أنك تحط إيدك على المشكلة علشان تحلها.
أحمد سليمان: نبذل كل الجهود لخروج مشجعي الزمالك من السجن.. هو خروج المتهمين بالجهود ولا القانون يا حضرة الظايط.
التحقيق مع «شيرين» في نقابة الموسيقيين عن أزمة «البلهارسيا».. أكيد عذبوها وشربوها من مياه الحنفية علشان تعترف.
«القابضة للشرب»: استهلاك المواطن للمياه أعلى من المعدل العالمي.. معلش إحنا نبطل نستحمى علشان القابضة ترتاح.
مدحت شلبي: أنا كنت أفشل ضابط في وزارة الداخلية.. وأفشل معلق وأفشل لاعب، وأفشل إداري، والكبيرة بقى، "أفشل مقدم برامج"، إرحمنا يا فاشل، يا فاشل يا فاشل.
أزمة بين على المصيلحي والبقالين تهدد بوقف صرف السلع التموينية.. هو ليه كل مشكلة في البلد المواطن هو اللي يتحملها؟!
حسين فهمي وآسر ياسين يغازلان إليزابيث هيرلي في مهرجان القاهرة.. الشرع حلل 4، المهم المباركة.
العامري فاروق: أتوقع حضور 40 ألف عضو للتصويت في انتخابات الأهلي.. الأهلي دا دولة تنتخب، مش نادي بيختار رئيس.
الغيطي: يا ريت ساويرس ينظم مهرجان القاهرة بعد نجاح الجونة السينمائي.. وياريت يمسك الاقتصاد، وياريت يشغل القطاع العام، وياريت يمسك كل حاجة في البلد علشان تتعدل وينصلح حالها.
سليمان: أنا من تعاقد مع بريزنتيشن ومرتضى فضل 3 شهور مش عارف ينطق اسمها.. معلش، عيل وغلط.
«الأرصاد»: فصل الشتاء يبدأ رسميًا 21 ديسمبر.. يعني نشتي ولا نخرف ولا نعمل إيه بالظبط؟!
14 نصيحة من مباحث الإنترنت للحماية والتأمين من النصب والابتزاز.. اتعلم الهاكر وسيبك من نصائحهم، كانوا نفعوا نفسهم.
إقالة السفير العراقي في الجزائر بـ«شكل مفاجئ» لاتهامه بنشر «التشيّع».. لا دين في السياسة ولا سياسة في الدين، والتيتا في النانا والنانا في التيتا.
