بالفيديو.. عمرو أديب لوزير التموين: الناس عايزة حتة لحمة ولقمة حلوة
انتقد الإعلامي عمرو أديب، أداء وزارة التموين بسبب معاناة المواطنين في استخراج بطاقات تموين جديدة أو تجديد التالفة، قائلا: «80% من مشكلات المواطنين وزير التموين مش شايفها».
وعلق أديب خلال تقديمه برنامج «كل يوم» المذاع على فضائية «أون أي»، قائلا: «هي دى مشكلات الناس اللي لازم تخلص مش القبض على شيما ويا ريت يا وزير التموين تحل مآسي الناس دي، واللي معاه بطاقة تموين دة يدوب عايش، ولما تضيع الناس هتتعذب وهو دة اللي لازم يبقى تريند بجد على تويتر.. الناس عايزة تاكل حتة لحمة ولقمة حلوة ويجيبوا شوية خضار وفاكهة للعيال وياكلوا عيش فينو بيتفتح مش حديد».
وأضاف: «البلد ليست شيما وشيرين عبد الوهاب، وهناك قضايا أهم من ذلك»، في إشارة إلى التركيز الإعلامي غير المبرر على شيما مطربة كليب «عندي ظروف» التي تم القبض عليها مؤخرا.
