«المعلم هريدي» يكتب: نشرة أخبار «مهيس ولا متيس»
نظر تظلم زوجة علاء مبارك على قرار منعها من السفر.. وهنا يقول القارئ «لا أسمع - لا أرى - لا أتكلم».
رئيس الوزراء يرأس اجتماع لجنة صندوق تطوير التعليم.. «تعليم ايه اللى انت جاي تقول عليه.. انت عارف ترتيبنا فيه ايه».
برلماني يطالب الحكومة بتحرك عملي لحل مشكلات الزيادة السكانية.. إحنا نمنع الخلفة سنتين، واللى عاوز خلفة لازم يجيب موافقة، ويبقى «خلفة من جهة أمنية».
وفدان أمريكي وبريطاني يبحثان فرص الاستثمار في البحر الأحمر.. يفوت عليا ما يقولش عوافي، وأنا مربيه من لحم كتافي.
حساسين: «صعبان عليا رحيلي عن العاصمة».. ميصعبش عليك غالي، المهم أنك اتدفيت علشان الشتاء مش بيرحم.
فقدان غواصة عسكرية أرجنتينية على متنها 44 فردا من طاقمها.. اللي أسر قائد الأسطول السادس قادر يخفي غواصة.
مطرب مقرب من حزب الله يهدد بإزالة الكعبة ونقلها إلى لبنان.. قادر ربنا يدي الأقرع كسكته ويدي المكسح بسكليتة.
البنتاجون: أكثر من 20 ألف حالة تحرش جنسي داخل الجيش الأمريكي.. فين اللى بيقولوا إن الرجالة المصريين متخلفين ومفيش الكلام دا بره مصر.
مصر الأولى عربيا بين الدول الأفضل سمعة في العالم.. زي البرغشة تسمع الهرج والوشوشة.
