الشاطر يخطط لانتخابات رئاسية مبكرة
الجماعة الحاكمة بتجهز بيان عن بير البترول الجامد أوى اللى فى منخفض القطارة، وعلم مندوب وكالة هريدى نيوز أن البيان بيركز على أن البير ده من نتائج النهضة، رغم أن الشركة المنقبة موجودة فى مصر من 2008، بس بركات النهضة هى اللى طلّعت البير، ويقول المحرر بناء على معلومات أكيدة من مصدر فشّار داخل مبنى الإرشاد أن الشاطر أوى بيجهز لإزاحة الحاكم مع أول برميل يطلع من البير، واحد هايقول إيه علاقة مرسى بالزيت اللى فى البير، يرد عليه مصدرنا الفشار إن عائد البير هاينعش اقتصاد مصر، ويتحسب نجاح لمرسى، والشاطر عايز يركب مكانه يبئى الحل إن المظاهرات المناهضة لمرسى هاتزيد خلال الست أشهر القادمة ليكون هناك مبرر لانتخابات مبكرة.
