رئيس التحرير
عصام كامل

محمد فودة يكتب: «آسف جدا على التأخير»

فيتو

آسف جدا على التأخير

مش بإيديا ومش تبرير
صعب أوصفلك كنت إزاي
وإزاي خاني شعوري في غضبي
عن التعبير

آسف جدا على التأخير

مش بإيديا ومش تبرير
لما بحس
إن الوقت في بُعدي وبُعدك
حمل تقيل وحنين وعذاب
وإن الحب في لحظة اتحول
لمحض سراب
وإن الأمل المرسوم بينا
أمل كداب
وإن الذكرى كسرت فينا أجمل بسمة
بضحكة إزاز
وإن الصبر الباقي مني ومنك
ميكفيش اتنين أحباب

بس أنا عارف إن الهوى بردك غلاب
وإن الهجر لا بد وحتما
نعمله 100 ألف حساب
وإن الحب مدام شيبنا
هيفضل جوا قلوبنا شباب
Advertisements
الجريدة الرسمية