تامر حسني ينشر صورته مع عادل إمام
نشر النجم تامر حسني عبر صفحته الشخصية على "إنستجرام" صورة قديمة تجمعه بالزعيم عادل إمام من إحدى حفلات الزفاف التي ضمت نخبة من الفنانين.
وعلق تامر على الصورة قائلًا «إني أضحّك الزعيم بالشكل ده يبقى أنا مش سهل ولاموآخذاااااا حبيبي يا زعيم يارب دايمًا فرحان كده مفيش أي سبب لنزول الصورة غير إني شفتها بالصدفة وافتكرت يوم ماشوفت الأستاذ عادل وأنا لسه في أول طريقي وطبعًا مكنتش مصدق أني واقف معاه من كتر ما بحبه».
وتابع: «قالي افتكر كلامي كويس يا تامر أنا بحبك وهتنجح وهتوصل لأحلامك والصورة دي وأنا في نص مشواري وكانت في فرح بغني فيه وكان فيه فنانين كتير محدش فيهم قام يسلم أو يفرح معانا إلا هو الوحيد اللي قام وجالي وفضل يهزر معايا وأهزر معاه وبصراحة فرحت عشان عرفت أضحكه بالشكل ده ومال عليا كده وقالي افتكر كلامي وحضني زي ابنه حسيت بس أني عايز أقولكم أني بحبه جدًا».
