حلا شيحة: «عايشة في كندا سنتين ونص مشوفتش كره للنقاب إلا في مصر»
عبرت الفنانة المعتزلة حلا شيحة، عن غضبها بسبب الهجوم الذي تعرضت له من الجمهور، بمجرد إعلانها ارتداء النقاب.
وكتبت "حلا"، عبر صفحتها الشخصية على موقع التواصل الاجتماعي "فيس بوك"، "أنا عايشة في كندا بقالي سنتين ونص لابسة النقاب ولي جيران يحترموني وعلاقتي بيهم طيبة.
وهما في كندا شايفين أن ده حرية شخصية وانا بمشي في الشارع عادي ومش بخاف من حاجة بفضل الله.. وسبحان الله جارتي مسيحية وكنّا بنتكلم عن الحجاب وجارتها سألتني ليه لابساه هي ردت عليها وقالت ده لَبْس المسلمات وشكلهم سواء الحجاب أو النقاب".
وأضافت: "الحقيقة مشفتش كره للنقاب إلا في مصر بلدي حبيبتي.. انا مش فاهمة هي الناس دي عايزة ايه وبتحارب المحجبات والمنتقبات كدة ليه ويعني ايه ده مش هوية مصر.. سواء مصرية أو عربية كلنا عرب وغالبيتنا مسلمين موحدين.. هويتنا الإسلام روحنا الإسلام مظهرنا الإسلام.. لو ده بيغيظ ناس هما حرين.. وكفاية بقى الكلام عن النقاب كإن الأزمة العربية كلها سببها النقاب".
وتابعت: "وسيبنا البلاوي اللي بنعاني منها من تعليم وصحة ونظافة وأمانة وأخلاق فاسدة ونركز بقي في المنتقبة.. معلش اعذروني مصر في انهيار وبيتكلموا عن النقاب".
